Bugun,

  • USD 11095.31
  • RUB 173.84
  • EUR 10772.44

AQSh prezidenti Jo Bayden Oq uyda Belarus muxolifati yetakchisi Svetlana Tixanovskaya bilan uchrashdi. Bu haqda Jo Baydenning o‘zi Twitter’dagi sahifasida ma’lum qilgan.

Foto: Oq uy matbuot xizmati

Foto: Oq uy matbuot xizmati

Bayden Twitter’da Tixanovskaya bilan uchrashish o‘zi uchun katta sharaf ekanini qayd etgan va AQShning Belarus xalqining demokratiya hamda inson huquqlari himoyasini ta’minlash masalalarida qo‘llab-quvvatlashini bayon qilgan.

O‘z navbatida Svetlana Tixanovskaya Baydendan Belarusning zo‘ravonliksiz demokratiyaga erishishida yordam berishini so‘ragan. Siyosatchi mamlakatda ro‘y berayotgan hodisalar geosiyosatga aloqador emasligini ta’kidlagan va belaruslarni qo‘llab-quvvatlash AQShning asosiy burchi deb hisoblashini bildirdi.

Tixanovskaya AQShga Davlat departamentining taklifiga ko‘ra tashrif buyurgan. U okean ortida AQSh davlat kotibi Entoni Blinken, kotib o‘rinbosari Viktoriya Nuland, AQSh prezidentining milliy xavfsizlik masalalari bo‘yicha maslahatchisi Jeyk Sallivan hamda mamlakatda istiqomat qilayotgan belaruslik vatandoshlari bilan uchrashgan.

Avval iyun oyida Tixanovskaya Chexiyada Belarus prezidenti sifatida qabul qilingan, Jo Bayden esa Belarusga qarshi sanksiyalar muddatini bir yilga uzaytirgandi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Dunyo
Litvada ham rus tilini o‘qitishdan voz kechish taklif qilindi