Mahalla va oilani qo‘llab-quvvatlash vaziri o‘rinbosari Botir Parpiyev koronavirusga qarshi emlandi

Mahalla va oilani qo‘llab-quvvatlash vaziri o‘rinbosari Botir Parpiyev koronavirusga qarshi vaksina bilan emlandi. Buni vazirlik matbuot kotibi “Daryo”ga tasdiqladi.

Bloger Zafarbek Solijonovning yozishicha, Botir Parpiyev 1-avgust kuni Moderna vaksinasini qabul qilgan.

“Deyarli 75 yoshni qarshilagan, yaxshigina hayot tajribasiga ega Botir aka vaksina olibdi, sizchi?”, — deb yozadi bloger.

Bundan avval Senat raisi Tanzila Norboyeva, mahalla va oilani qo‘llab-quvvatlash vaziri Rahmat Mamatov, madaniyat vaziri Ozodbek Nazarbekov, maktabgacha ta’lim vaziri Agrippina Shin, Namangan viloyati hokimi Shavkat Abdurazzoqov, xalq ta’limi vaziri Sherzod Shermatov, sobiq sog‘liqni saqlash vaziri Alisher Shodmonov va sog‘liqni saqlash vazirining o‘rinbosari — Toshkent shahar Sog‘liqni saqlash bosh boshqarmasi boshlig‘i Anvar Olimov, Oliy Majlis Qonunchilik palatasi deputati Rasul Kusherbayev, Toshkent shahar hokimi Jahongir Ortiqxo‘jayev va Toshkent viloyati hokimi Davron Hidoyatov emlangandi.