Hind kinosanoatining omad va baxt borasidagi qarashlari boshqalarnikidan farqliroq bo‘lgan vakillari haqida ma’lumot berib o‘tamiz.
Vidya Balan
Bollivudning ayrim rejissor va aktyorlari Vidyani “Omad keltiradigan xonim” deb biladi. Aktrisaning o‘zini ham bu borada ishonadigan tumori bor. U mukofotlash marosimlari va boshqa tadbirlarga hamisha qora braslet taqqan holda tashrif buyuradi.
Samira Reddi
“Musofir” va “Poyga” singari filmlarda suratga tushgan aktrisa esa ushbu loyihalardagi hamkasbi Anil Kapurni o‘zining omad tumori deb biladi.
Shilpa Shetti
Aktrisa sevimli “Rajasthan Royals” jamoasi kriket bo‘yicha chempionatda qatnashayotganida ikkala qo‘liga ham soat taqib oladi.
Karina Kapur
“Karan bilan qahva” shousida ishtirok etgan vaqti gap “Izlash” filmi haqida ketganida: “Men Amir Xon bilan ishlaganimdan mamnunman. U — men uchun omad. Biz birga suratga tushgan filmlar: “Uch savdoyi”, “Izlash” xitga aylangan”, — degan.
Kangana Ranaut
Kangana esa “Gangster”, “Sir-2” hamda “Bir kuni Mumbayda” singari filmlardagi hamkasbi Emran Hashmi unga omad keltirishiga ishonadi. Ular birga ishtirok etgan filmlarning hammasi kassabop bo‘lgan.
Kajol
Bollivud yulduzi Kajol esa turmush o‘rtog‘i Ajay Devgan sovg‘a qilgan brilliant uzuk unga omad keltirishiga ishonadi. Ushbu uzuk nafaqat suratga olish maydonchasida, balki har kuni u bilan birga.
Mavzuga doir:
Izoh (0)