Toshkent shahrida xizmat davomida xato va kamchiliklarga yo‘l qo‘ygan yo‘l harakati xavfsizligi xodimlariga nisbatan chora ko‘rildi, deya xabar bermoqda YHXBB matbuot xizmati.
Ma’lum qilinishicha, 2021-yilning 26-iyun kuni “YHX xodimi hukumat qaroriga zid ravishda elektron sug‘urta polisini inobatga olmadi va ma’muriy bayonnoma tuzdi” sarlavhasi ostidagi xabar e’lon qilingan.
Mazkur xabar o‘rganilib, IIV YHXBB mas’ul xodimi tomonidan o‘tkazilgan xizmat tekshiruvi yakuniga ko‘ra, xizmati davomida xato va kamchiliklarga yo‘l qo‘ygan Toshkent shahar IIBB YHXBning bir necha xodimlariga nisbatan intizomiy jazo chorasi qo‘llanilishi belgilandi.
Shuningdek, fuqaro J.R.ga nisbatan 2021-yil 23-iyun kuni Toshkent shahar, Olmazor tumani IIB YHXB inspektori I.Ahmedov tomonidan ma’muriy jazo qo‘llash to‘g‘risidagi chiqarilgan qaror Ma’muriy javobgarlik to‘g‘risidagi kodeksning 271-moddasiga (ma’muriy huquqbuzarlik hodisasi yoki alomati yo‘q bo‘lsa, ma’muriy huquqbuzarlik to‘g‘risidagi ishlarni tugatish) asosan bekor qilinishi belgilandi.
Mavzuga doir:
- Jizzaxda YPX xodimini urib, uning “pogon”ini yechib olgan haydovchi hibsga olindi
- Jizzaxda YHXB xodimiga qarshilik ko‘rsatib, uning bodikamerasi va telefonini tortib olgan haydovchi va uning sherigiga nisbatan jinoiy ish ochildi
- Toshkentda IIBB xodimlariga tegishli xizmat avtomobili YTHga uchradi. Holat yuzasidan ma’lumot berildi
Izoh (0)