Andijonda Koreyga ishga yuborishni va’da qilib, fuqarodan 6 ming dollar talab qilgan shaxsga jinoyat ishi qo‘zg‘atildi, deya xabar bermoqda “Daryo” muxbiri.
Ta’kidlanishicha, DXXning Andijon viloyat boshqarmasi hamda Bosh prokuratura huzuridagi Departamentning viloyat boshqarmasi xodimlari hamkorligida o‘tkazilgan tezkor tadbirda fuqaro Sh.N. boshqa bir fuqaroga o‘zini Mehnat migratsiyasi sobiq xodimi sifatida tanishtirib, uni Koreya Respublikasiga 5 oy muddatga ishga yuborishi evaziga 6 ming dollar talab qilgan. Va so‘ralgan pulning ming dollarini firibgarlik yo‘li bilan olgan vaqtida ashyoviy dalillar bilan ushlangan.Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)