Sirdaryo viloyati Sardoba tumanida fuqaroga bankdan kredit olib berishni va’da qilib, undan 24 million so‘m so‘ragan shaxs qo‘lga olindi. Bu haqda DXX matbuot xizmati “Daryo”ga ma’lum qildi.
Sardoba tumanida istiqomat qiluvchi fuqaro avtomobillarga texnik xizmat ko‘rsatish shoxobchasini tashkil qilish maqsadida “Har bir oila — tadbirkor” dasturi doirasida 240 million so‘m kredit olish uchun “Agrobank”ning tuman filialiga murojaat qiladi. Biroq bank xodimlari turli vajlar bilan unga kredit ajratishni kechiktirib keladi.
DXX va Departamentning hududiy boshqarmalari xodimlari tomonidan o‘tkazilgan tezkor tadbirda “Agrobank”ning Sardoba tuman filiali ish o‘rganuvchisi ushbu kreditni olib berish evaziga 24 million so‘m talab qilib, shundan 2 ming dollarini olgan vaqtida ushlandi.
Hozirda mazkur shaxsga nisbatan Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.
Izoh (0)