Bugun,

  • USD 11095.31
  • RUB 173.84
  • EUR 10772.44

Dunyo va o‘zbek sportiga oid 21-iyun tongining muhim xabarlari dayjesti bilan tanishing.

O‘zbekiston

O‘zbekiston futbol assotsiatsiyasi prezidenti Abdusalom Azizov Toshkentda Qatar futbol assotsiatsiyasi rahbari Shayx Hamad bin Xalifa bin Ahmad at-Tani bilan uchrashdi. Uchrashuv vaqtida ikki assotsiatsiya o‘rtasida hamkorlik shartnomasi imzolandi.

Foto: O‘FA

Foto: O‘FA

O‘zbekiston Superligasining 10-tur o‘yinlari o‘tkazildi. FIFA kunlaridan keyin mahalliy chempionat o‘yinlari davom ettirilmoqda. 10-turda “Paxtakor” eng ta’qibchisi “So‘g‘diyona” bilan durang o‘ynadi. “Navbahor”, “Nasaf” va “Bunyodkor” o‘z o‘yinini g‘alaba bilan yakunladi.

Foto: “Daryo” / Husan Sobitov

Foto: “Daryo” / Husan Sobitov

Jahon

Yevro—2020 A guruhi o‘yinlari yakunlandi. Italiya yuz foizlik natija bilan keyingi bosqichga yo‘l oldi. Uels esa ikkinchi o‘rinni qo‘lga kiritdi. 4 ochkoga ega Shveysariya qolgan guruhlardagi vaziyatni kuzatadi. Turkiya esa musobaqa bilan xayrlashdi.

21-iyun kuni musobaqaning ikkita guruhida 3-tur uchrashuvlari bo‘lib o‘tadi.

C guruhi

Shimoliy Makedoniya — Niderlandiya 21:00

Ukraina — Avstriya 21:00

B guruhi

Rossiya — Daniya 00:00

Finlyandiya — Belgiya 00:00

Italiya terma jamoasi shaxsiy rekordini takrorladi. Roberto Manchini qo‘l ostidagi jamoa ketma-ket 30 o‘yindan buyon mag‘lub bo‘lmayapti. Bu orqali jamoa 1935—1939-yillarda o‘rnatilgan rekordini takrorladi. Italiya ketma-ket 11 o‘yinni quruq o‘tkazgan holda unda raqiblari darvozasini 32 marta ishg‘ol qildi. Jamoa 1000 daqiqadan beri gol o‘tkazmayapti. So‘nggi bor Italiya 2020-yilning oktabrida yutqazgandi.

Foto: Twitter

Foto: Twitter

Kopa Amerika—2021 musobaqasi davom etmoqda. 3-turda Kolumbiya kutilmaganda Peruga imkoniyatni boy berdi. Venesuela va Ekvador o‘rtasidagi bahsda esa 2:2 hisobidagi jangovar durang qayd etildi.

21-iyundan 22-iyunga o‘tar kechasi musobaqa doirasidagi yana ikkita o‘yin bo‘lib o‘tadi. Urugvay Chili bilan o‘ynasa (02:00 da boshlanadi), Argentina terma jamoasi Paragvayga qarshi saf tortadi (05:00).

“Rayo Valyekano” La Ligaga qaytdi. “Rayo” Primeraga yo‘llanma beruvchi pley-off finalida “Jirona”dan ustun keldi (1:2, 2:0) va ikki yillik tanaffusdan keyin La Ligaga qaytdi.

Foto: Twitter

Foto: Twitter

“Barselona” 525 million yevro miqdorida kredit oladi. Katalon klubi 2022-yilning avgust oyida katta miqdorda kredit olmoqchi. Bu “Barselona” bosh assambleya yig‘ilishida ma’qullangan. Qayd etilishicha, bu pullarning katta qismi jamoaning qarzlarini qoplashga yo‘naltiriladi. Ayni vaqtda “Barsa”ning 1 milliard yevrodan ortiq qarzi bor va bu miqdor ortib bormoqda.

JCh—2022 ishtirokchilari va tomoshabinlari koronavirusga qarshi emlanadi. Qayd etilishicha, Qatar hukumati musobaqaga tashrif buyuruvchilar uchun million dona vaksina xarid qilish borasida muzokaralar olib bormoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Mahalliy
Toshkent viloyatida 2023-yilda 9 ming gektar maydon qisqartirilib, 25 sotixdan aholiga beriladi
Mahalliy
Toshkent viloyatida kelin qaynonasiga 20 marta pichoq urdi (video)
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi