Futbol bo‘yicha Yevropa chempionati guruh bosqichi 2-turi doirasida Portugaliya va Germaniya terma jamoalari 19-iyun, shanba kuni o‘zaro bahs yuritdi.
Myunxen shahri mezbonlik qilgan o‘yinda umumiy hisobda 6 ta gol kiritildi. Dastlab Krishtianu Ronaldu 15-daqiqada jamoasining qarshi hujumini golga aylantirgandi. Biroq shundan so‘ng Germaniya ketma-ket 4 marta Portugaliya darvozasini ishg‘ol etdi. Nemislarning gollariga Kay Haverts va Robin Gozens mualliflik qilgan bo‘lsa, yana ikki vaziyatda portugallar o‘z darvozasini ishg‘ol etib qo‘ydi. 67-daqiqaga kelib esa Diogu Jota Ronalduning uzatmasini golga aylantirib, hisobni bir oz bo‘lsa-da qisqartirishga muvaffaq bo‘ldi: 2:4.
Guruhning ilk o‘yinida Fransiya va Vengriya terma jamoalari murosa yo‘lini tanlagandi. 2-turdan keyin F guruhidagi holat va guruh taqvimi:
Yevro—2020
Guruh bosqichi, 2-tur
19-iyun, shanba
Portugaliya — Germaniya 2:4
Gollar: 1:0 – 15 Ronaldu, 1:1 – 35, avtogol Ruben Diash, 1:2 – 39, avtogol Gerreyru, 1:3 – 51 Haverts, 1:4 – 60 Gozens, 2:4 – 67 Diogu Jota.Portugaliya: Ruy Patrisiu, Semedu, Ruben Diash, Pepe, Gerreyru, Danilu Pereyra, Vilyam Karvalyu (Rafa Silva, 58), Bernardu Silva (Sanshesh, 46), Brunu Fernandesh (Moutinyu, 64), Diogu Jota (Andre Silva, 83), Ronaldu.
Germaniya: Noyer, Ginter, Ryudiger, Hummels (Jan, 63), Gozens (Halstenberg, 62), Gundo‘g‘on (Zyule, 73), Kimmix, Haverts (Goretska, 73), Kroos, Myuller, Gnabri (Sane, 87).
Ogohlantirishlar: Haverts (66), Ginter (77).
Izoh (0)