Italiyadagi Streza-Mattarone dor yo‘lining uzilishi hodisasi aks etgan video e’lon qilindi. Baxtsiz hodisa 14 kishining hayotiga zomin bo‘lgan edi.
Al Tg3 un documento esclusivo della cabina della funivia del Mottarone, prima della caduta, agli atti dell'inchiesta sul disastro costato la vita a 14 persone. Le immagini per il loro contenuto potrebbero urtare la sensibilità di alcuni pic.twitter.com/en6MHCfS00
— Tg3 (@Tg3web) June 16, 2021
Xabar qilinishicha, video dor yo‘lining yuqori stansiyasidagi kameradan olingan va tergov hujjatlariga kiritilgan. Kadrlardan ko‘rinib turibdiki, yuk ko‘targich kabina deyarli so‘nggi nuqtaga yetib kelgan payt kabellardan biri uzilib, kabina orqaga qarab ketgan.
Eslatib o‘tamiz, halokat 23-may kuni Turin provinsiyasidagi Streza-Mattarone dor yo‘lida sodir bo‘lgan edi. Kabina uzilib, o‘rmon ichiga, borish qiyin bo‘lgan joyga qulab tushgan. 15 nafar yo‘lovchining 13 nafari voqea joyida halok bo‘lgan. Tirik qolgan bolalarning ikki nafari shifoxonaga yetkazilgan va ulardan biri olingan jarohatlar oqibatida vafot etgan.
Avvalroq ma’lum qilingan tafsilotlarga ko‘ra, dor yo‘lining uzilib ketishiga yetti yildan buyon favqulodda tormoz tizimining o‘chirilgan holda harakatlangani sabab bo‘lishi mumkin.
Ma’lumot uchun, yo‘l 1970-yilda ochilgan. So‘nggi marta u 2014—2016-yillarda to‘liq ta’mirdan chiqarilgan.
Izoh (0)