Yevro—2020 bahslari davom etadi. Kunning eng muhim o‘yini Rossiya va Belgiya terma jamoalari o‘rtasida bo‘lib o‘tadi. Undan tashqari 12-iyun kuni Uels Shveysariyaga, Daniya esa Finlyandiyaga qarshi bahs olib boradi.
Yevro—2020
1-tur bahsi
12-iyun, shanba
Rossiya, Sankt-Peterburg, “Sankt-Peterburg” stadioni
Belgiya – Rossiya 00:00
Belgiya
Ijodkor jamoa Eden Azar va Kevin de Bryuynesiz maydonga tushadiXabarlarga ko‘ra, Eden bu uchrashuvda asosiy tarkibda maydonga tushmaydi. Kevin de Bryuyne jamoa bilan birga Sankt-Peterburgga uchmadi. Chempionlar Ligasi finalida olgan jarohati tufayli Yevroning birinchi o‘yinini o‘tkazib yuboradi. Daniyaga qarshi ikkinchi turda jamoasiga yordam berishi mumkin.
“Real” futbolchisi qora ishlarni bajarishni yoqtirmasligi sir emas. Azar “Chelsi”da o‘ynab yurgan vaqtlarida ham buni yashirmagan. Antonio Konte yarim himoyada qat’iylikni yo‘qotmaslik uchun Azarni ikkinchi hujumchi pozitsiyasida o‘ynatardi. Hozirgi formasida Eden pressingda umuman foydali bo‘lmasdi. Jamoa Eden Azarsiz pressingda yaxshiroq o‘ynaydi. Uning o‘rnini “Atletiko”da ajoyib mavsumini o‘tkazgan Yannik Ferreyra Karrasko egallaydi.
Tilemansning uzoqdan beradigan zarbalari Shunin uchun qiyinchilik tug‘diradi
Rossiya darvozaboni Anton Shunin to‘g‘ridan to‘g‘ri zarbalar va jarima zarbalarni qaytarish bo‘yicha juda yomon natijalarni qayd etadi. Uzoqdan beriladigan zarbalar uning ojiz nuqtasi. Belgiya tarkibida esa uzoqdan zarba beradigan futbolchi bor — Yuri Tilemans. “Lester” futbolchisi ortda qolgan mavsumda Angliya Kubogi finalida uzoqdan zarba berib, “Chelsi”ga gol urgandi. Rossiya posboni nafaqat Lukaku, balki Tilemansdan ham ehtiyot bo‘lishi kerak.
Rossiya
Karrasko maydonda bo‘lsa Barinov o‘z o‘yinini namoyish eta olmasligi mumkinDmitriy Barinov Rossiya terma jamoasining o‘ng qanot himoyasida maydonga tushadi. U qanotdan hujumlarga faol qo‘shiladi. Agarda Yannik Ferreyro maydonga tushsa, Dmitriy o‘zini noqulay his qilishi mumkin. Pressingda juda yaxshi harakat qiladigan Karrasko Barinovning erkin harakat qilishiga imkon bermaydi.
Belgiya bilan o‘yinga Ionov zarur
Belgiyaning Millatlar ligasi doirasida Angliyaga qarshi o‘yinida inglizlarning muvaffaqiyatida Markus Reshford asosiy rolni bajardi. Rossiyada esa xuddi shunday hujumchi yo‘q. Yarim himoyachi Aleksey Ionov “Krasnodar” tarkibida shunday rolni bajargan. Aynan u Rossiyaning “Reshfordi” bo‘lishi mumkin.Murabbiylar fikrlari
Birinchi o‘yin doim qiyin bo‘ladi. Oxirgi bir necha kun davomida juda yaxshi tayyorgarlik ko‘rdik, jamoamiz o‘yinga tayyor. Jamoada ajoyib muhit hukmronlik qilyapti. Bu o‘yin biz uchun sinov bo‘ladi. Rossiya terma jamoasini yaxshi bilamiz. Ularning muxlislari ham bizga qarshi bo‘ladi. Iloji boricha imkoniyatlardan foydalanishimiz lozim.Oxirgi 3 yilda Belgiya juda yaxshi o‘yin ko‘rsatyapti. Terma jamoalar reytingi biz uchun qiziq emas. Hayajondaman va shu bilan birga musobaqa boshlanganidan xursandman. Har bir futbolchining imkoniyatlaridan maksimum foydalanishimiz kerak.
Roberto Martines, Belgiya terma jamoasi bosh murabbiyi
Belgiya juda yaxshi jamoa. Mashg‘ulotlarda ularning ojiz nuqtalarini o‘rganishga ham diqqat qaratyapmiz. Lekin birinchi o‘rinda o‘zimizga e’tibor qaratishimiz kerak. Raqib boshqa, biz boshqamiz. Bu Yevroning boshlanishi ekanligini unutmaslik lozim. Har narsaga tayyor turish kerak.Jamoalarning oxirgi (o‘zaro emas) 5 o‘yindagi natijalari:Stanislav Cherchesov, Rossiya terma jamoasi bosh murabbiyi
“Golfchi” to‘p suradigan Uels “bankir” Shveytsariyaga qarshi
Yevro—2020
1-tur bahsi
12-iyun, shanba
Ozarbayjon, Baku. “Olimpiya stadioni”
Uels – Shveysariya 18:00
Uels terma jamoasi Yevro—2016 da debyut qilgan edi. Dastlabki musobaqasidayoq yarim finalgacha yetib borgan edi. Yevro—2020 da ham avvalgi natijani takrorlay olarmikan? Bu yo‘lda ularning dastlabki raqibi Shveysariya bo‘ladi. “Bankirlar” kamtarona tarkibga ega bo‘lsada musobaqalarda doim yetakchilarga muammo tug‘dirishi bilan yodda qolgan. Petkovich jamoasi ushbu musobaqaga ham o‘z syurprizlari bilan tashrif buyurgan.
Jamoalarning oxirgi 5 o‘yindagi natijalari:
“Alvon gvardiya” musobaqa debyutantiga qarshi
Yevro—2020
1-tur bahsi
12-iyun, shanba
Daniya, Kopengagen. “Parken”
Daniya – Finlyandiya 21:00
Daniya terma jamoasi saralash bosqichida umuman mag‘lubiyatga uchramadi. 8 ta o‘yinning 4 tasida qayd etilgan durang natijalar jadvalni 2-o‘rin bilan yakunlashiga sabab bo‘ldi. Yevro—2020 musobaqasida B guruhidan o‘rin olgan daniyaliklar ilk turda Yevro—2020 da debyutini o‘tkazayotgan finlyandiyaliklarga qarshi maydonga tushadi. Finlyandiyaning Yevrodagi ishtiroki ko‘pchilik uchun kutilmagan bo‘ldi. “Filinlar” saralash bosqichida Gretsiya, Bosniya va Gersegovina, Armaniston kabi terma jamoalarni ortda qoldirgan. Demak, ular bu musobaqada shunchaki ishtirok etish niyatida emas.
Jamoalarning oxirgi 5 o‘yinda qayd etgan natijalari:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)