Hindiston tomoni bergan ruxsatnoma bekor qilingani sabab qoldirilgan Toshkent–Dehli reysi 12-iyun kuni amalga oshiriladigan bo‘ldi

Toshkent—Dehli yo‘nalishi bo‘yicha 11-iyun kuni soat 02:05 da uchadigan HY 421 reysi qoldirilgani haqida xabar berilgandi. Ushbu reys Hindiston fuqaro aviatsiyasi boshqarmasi tomonidan avval berilgan ruxsatnomaning bekor qilinishi sabab qoldirilgandi.

Uzbekistan Airways xabar qilishicha, Toshkent–Dehli yo‘nalishi bo‘yicha HY 421 reysi 12-iyun kuni Toshkent vaqti bilan 3:00 da amalga oshiriladigan bo‘ldi.

Xabarda, shuningdek, yo‘lovchilardan ro‘yxatga olish uchun aeroportga 00:00 da kelishlari so‘ralgan.

Bundan avval Samarqand aeroporti birinchi marta Olmaotadan reys qabul qildi, Turkish Airlines samolyoti esa ilk bor Istanbuldan Urganchga uchgani hamda Toshkent va Kiyev o‘rtasida to‘g‘ridan to‘g‘ri reys yana yo‘lga qo‘yilishi haqida xabar berilgandi.