Dunyoning turli burchagida 3-iyun kuni olingan qiziqarli suratlar jamlanmasini namoyish qilamiz.
Braziliya poytaxtidagi Selandia dahasida futbol o‘ynayotgan bola.
Foto: Reuters
Surxondaryoning Termiz shahridagi at-Termiziy ko‘chasida onasi bilan birga piyodalar o‘tish joyidan yo‘lni kesib o‘tayotgan qizaloq.
Foto: “Daryo” / Madina Nurman
Mavzuga doir: Termizda Prezident kortejidagi avtomobil ishtirokida YTH yuz bergani haqidagi xabarlar rad etildi
Braziliyalik qo‘l-oyog‘i yo‘q suzuvchi Jessika Oliveyra Rio-de-Janeyro shahridagi Vasko da Gama klubida mashg‘ulot o‘tkazmoqda. 16 yoshli bola 10 yoshida kasallik oqibatida harakat a’zolaridan ayrilgan.
Foto: Getty Images
O‘zbekiston sog‘liqni saqlash vaziri Abduhakim Hojiboyev Janubiy Koreyaga tashrifi davomida Koreya Milliy onkologiya markazi prezidenti Xong Kvan Seoning beliga belbog‘ bog‘lab, boshiga do‘ppi kiygizdi (Hojiboyev avvalroq Janubiy Koreya sog‘liqni saqlash vaziriga ham do‘ppi kiygizgan edi). O‘zbekiston koreyalik hamkorlar bilan hamkorlikda onkologiya markazi qurmoqchi.
Foto: SSV matbuot xizmati
Buyuk Britaniyaning Sharqiy Lankashir grafligida bir-birini quvayotgan quyonlar.
Foto: Legion Media
Surxondaryo viloyatining Termiz shahridagi “Bolajon” istirohat bog‘ida charxpalakka chiqish uchun hozirlanayotgan tashrif buyuruvchilar.
Foto: “Daryo” / Madina Nurman
Mavzuga doir: “Eshikni ochsam, davlat rahbari kirib keldi”. Prezident Surxondaryoda “zulfiyachi” qizning xonadonida bo‘ldi
Parijdagi Montparnas minorasi tomiga o‘rnatilgan diamantoskop orqali aks etayotgan Eyfel minorasi.
Foto: Getty Images
Toshkent shahrida 21–25-may kunlari bo‘lib o‘tgan “Toshkent 5 tashabbus harakati” yoshlar festivali uchun bunyod etilgan shaharcha buzib tashlanmoqda. Festeval boshlanishida poytaxt hokimi Jahongir Ortiqxo‘jayev jurnalistlarga “to‘yimizni buzmanglar” deya hazilomuz murojaat qilib, yakunda esa jurnalistlar to‘yni to‘ydek qilib bergani uchun “Endi qancha tanqid qilishsa, roziman”, degan edi.
Foto: “Daryo” / Musulmonbek Ibrohimov
Efiopiyada yashash joyidan ko‘chirilgan odamlar vaqtinchalik boshpanada hamqishloqlari bilan suhbatlashmoqda.
Foto: Getty Images
Surxondaryoning Termiz shahri ko‘chalarida quyoshdan saqlanish uchun boshiga ustki kiyimini yopib olib yurgan yigit. Ob-havo ma’lumotlariga ko‘ra, 3-iyun kuni Termizda kunduzi o‘rtacha 42 daraja issiq bo‘lgan.
Foto: “Daryo” / Madina Nurman
Mavzuga doir: O‘zbekistonning ayrim hududlarida 4-iyun kuni 46 darajagacha issiq bo‘lib, chang bo‘roni kuzatilishi mumkin
Venesuelada koronavirusga qarshi emlanayotgan odamlar. Mamlakat vaksinatsiya jarayonlarida Rossiyaning “Sputnik V” vaksinasidan foydalanmoqda.
Foto: EPA
Bogotadagi Kongress binosi oldida hukumatga qarshi namoyishchilar do‘mbiralarda chiqish qilmoqda.
Foto: Getty Images
Kolombo yaqinida kimyoviy yuk olib ketayotgan MV X-Press Pearl kemasi portlagandan so‘ng butkul yonib ketib, suv ostiga cho‘kmoqda.
Foto: Reuters
Himoya niqobini kiygan ayol Jakartadagi dumaloq shakldagi yorug‘lik tarqatuvchi o‘rindiqda o‘tiribdi.
Foto: Reuters
Kaliforniyadagi “Steypls-senter” basketbol maydonida “Los-Anjeles Klippers” muxlislari “Dallas Maveriks” jamoasiga qarshi NBA pley-off o‘yini oldidan karton tomoshabinlar bilan birga turibdi.
Foto: EPA
Germaniyada cherkovda o‘tgan to‘y marosimida an’anaviy kiyim kiygan kelinning yaqinlari.
Foto: AP Photo
Limada vertikal qabriston ishchilari koronavirusdan vafot etgan kishining tobutini ko‘tarib ketmoqda.
Foto: Reuters
Germaniya sohillarida quyosh botishi.
Foto: AP Photo
Lomonosov nomidagi Moskva davlat universiteti qoshidagi botanika bog‘ida sayr qilib yurgan o‘rdaklar.
Foto: EPA
Leonardo da Vinchining “Ayiq boshi” asari 8-iyul kuni Londonda joylashgan Christie’s auksionida sotiladi.
Foto: EPA
Mahalliy antiterror operatsiyalari uchun o‘qitilgan birinchi turkiyalik ayol zobit mashg‘ulotlar paytida.
Foto: Getty Images
Shri-Lankaning Kolombo shahrida joriy qilingan lokdaun paytida odatda odamlar ko‘p bo‘lgan chorrahadagi yo‘l o‘tkazgich ostida yomg‘irdan panada yotgan sigir.
Foto: “TASS”
Asta-sekin butunlay elektromobil va elektrobuslar bilan ta’minlangan transport tizimiga o‘tayotgan Gretsiyadagi Astipaleya orolida yashovchi odam iti bilan mototsiklda ketmoqda.
Foto: Getty Images
Mavzuga doir: O‘zbekistonga yil boshidan buyon 156 ta elektromobil import qilindi. Bu butun 2020-yil davomida olib kelingan miqdordan ko‘p
Yangi Zelandiyaning Kristcharch shahridagi o‘rta maktab va kollejlar o‘rtasidagi regbi musobaqasida qatnashayotgan o‘quvchilar.
Foto: Getty Images
Gonkong qirg‘og‘ida yuk kemasi yonib ketdi.
Foto: “TASS”
Moskvada XXVI Xalqaro arxitektura va dizayn APX ko‘rgazmasi ochildi.
Foto: “TASS”
Meksikaning Matamoros shahridagi muhojirlar boshpanasi tashqarisida o‘ynayotgan bolalar.
Foto: Getty Images
Avvalgi kunlarning fotogalereyalari:
- Termizliklar mehmoni bo‘lgan Prezident, tomi “uchgan” uy, malika Dianadan qolgan esdalik. 2-iyun suratlari
- Kombayn haydayotgan Mirziyoyev, barcha koronavirus cheklovlari olib tashlangan shahar, “don-don ziki” o‘ynayotgan bolalar. 1-iyun suratlari
- Qashqadaryoda yetishtirilgan urug‘siz qora tarvuz, elektr energiyasiz qolgan shahar, Xitoyda qurilayotgan “Titanik”. 31-may suratlari
- Toshkentda erib ketgan svetofor, Sidneydagi sichqonlar bosqini, sudlangan “Manchester Yunayted” afsonasi. 28-may suratlari
- Toshkentdagi jazirama, Fransiyaning aybini tan olgan Makron, hokimiyatga qarshi chiqqan qizaloq. 27-may suratlari
- Gavayidagi “qonli oy”, yuvintirilayotgan Pyotr I, G‘azodagi olov o‘yini. 26-may suratlari
- Toshkent metrosigacha tushgan “Andijon muzqaymog‘i”, Germaniyadagi “oltin bosh”, pushti rangga kirgan ko‘l. Hafta suratlari
