Ижтимоий тармоқларда Сурхондарё вилояти ҳокими Тўра Боболов MMA мусобақасида маҳаллий спортчига мухлислик қилаётгани тасвирланган видео тарқалди.
22—23 май кунлари Термизда «Шарқ учун уруш» номли халқаро MMA оқшоми ўтказилди. Мусобақа вилоят ҳокими Тўра Боболовнинг нутқидан кейин очиб берилди. Унда Афғонистон, Тожикистон ва Қирғизистондан ташриф буюрган MMA жангчилари ўзбекистонлик спортчиларга қарши баҳс юритди. Боболов ўзбекистонлик спортчилар иштирокидаги жангларда фаол мухлислик қилди.
Ўзбекистон вакили Элдор Эронов ва афғонистонлик Баҳадери Али Ризо ўртасидаги кечган асосий жангда Боболов октагон ёнида маҳаллий яккакурашчига кўрсатмалар бериб турган. Ушбу жангнинг биринчи раундидаёқ Эронов рақибини таслим этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)