Bugun,

  • USD 11095.31
  • RUB 173.84
  • EUR 10772.44

Surxondaryoda 22-may — Butunjahon bioxilma-xillikni asrash kuni archalar ommaviy kesilgani haqida xabar berilgan edi. Viloyat hokimligi ushbu masala atroflicha o‘rganib chiqilganini ma’lum qildi.

Foto: Telegram / “Ekolog.uz”

Foto: Telegram / “Ekolog.uz”

Qayd etilishicha, Prezidentning 2020-yil 12-noyabrdagi “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari to‘g‘risida”gi farmoni, Vazirlar Mahkamasining 2021-yil 2-fevraldagi “ ‘Termiz xalqaro savdo markazi’ erkin savdo zonasi faoliyatini tashkil etish chora-tadbirlari to‘g‘risida”gi qarori asosida Surxondaryo viloyatining O‘zbekiston—Afg‘oniston davlat chegarasiga tutash Termiz tumani, “Ayritom” mahallasi hududida “Termiz xalqaro savdo markazi” erkin savdo zonasini barpo etish uchun 26 gektar yer maydoni ajratilgan.

Foto: Surxondaryo viloyat hokimligi matbuot xizmati

Foto: Surxondaryo viloyat hokimligi matbuot xizmati

Vazirlar Mahkamasi tender o‘tkazgan va unda g‘olib deb topilgan kompaniya qurilish ishlariga tayyorgarlik ko‘rmoqda.

Mazkur holat viloyat hokimligi tomonidan nazoratga olinib, Ekologiya va atrof-muhitni muhofaza qilish qo‘mitasi viloyat boshqarmasi mutaxassislari tomonidan o‘tkazilgan o‘rganish davomida daraxtlar noqonuniy kesilgani aniqlangan.

“Hozirda aybdor shaxslarga nisbatan jazo muqarrarligini ta’minlash maqsadida qonunda belgilangan tartibda hujjatlar rasmiylashtirilib, tegishli sudlovlikka yuborish choralari ko‘rilmoqda”, — deyiladi hokimlik xabarida.

Eslatib o‘tamiz, Shavkat Mirziyoyevning 3-fevraldagi farmoni bilan O‘zbekistonda daraxt va butalarni kesishga o‘rnatilgan moratoriy muddati 2021-yil oxirigacha uzaytirilgan. Shuningdek, daraxtlarni noqonuniy kesganlik uchun jarima miqdori ikki baravarga oshirilgan.

Izoh
Asosiy yangiliklar
Moliya
O‘zbekistondagi eng faol banklar reytingi yangilandi. Nimalar o‘zgardi?
Mahalliy
Davletmurat Tajimuratov 16 yilga qamaldi, jurnalist Lolagul Qallixanova sud zalidan ozod qilindi 
Sport
Figurali uchish bo‘yicha O‘zbekistonning 10 karra chempioni Tatyana Malininaning 18 yoshli o‘g‘li AQSH chempioniga aylandi