Qozog‘istonning Kostanay viloyati “SariarkaAvtoProm” zavodida ishlab chiqarilayotgan Chevrolet Equinox krossoverlarini sotish boshlandi, deb xabar beradi Spot.
Qo‘shni mamlakatda ushbu model uch xil — oq, kulrang va qora ranglarda 13,490 million tenge (331 million so‘m atrofida) narxida sotilmoqda.
Equinox modeli O‘zbekiston hududida bir yildan oshiq sotildi. Model 2019-yilning oxirida taqdim etilgan bo‘lsa, 2021-yilning fevralida UzAuto Motors mazkur krossoverni ishlab chiqarish to‘xtatilishini ma’lum qilgandi.
Xitoydagi avtomobillar SAIC-GM — Amerikaning General Motors hamda Xitoyning SAIC Motor qo‘shma korxonasi tomonidan yetkazib berilayotgan edi. Mashina narxi 349 million so‘mni tashkil etgan. Biroq hozirda UzAuto Motors saytida ushbu model narxi 414 million sifatida ko‘rsatilgan.
Izoh (0)