Coca-Cola o‘zining afsonaviy bankachalari O‘zbekistonda ishlab chiqarilishi boshlangani haqida e’lon qildi. Endilikda Coca-Cola Classic, Coca-Cola Shakarsiz, Fanta Apelsin va Sprite mahsulotlarini sevuvchilarga o‘zining sevimli ta’midan bahra olishning yangi imkoniyati yaratildi.
Yangi mahsulotlarning chiqarilishi bilan birgalikda “O‘zbekistonda ishlab chiqarilgan” shiori ostidagi reklama tadbiri ham o‘tkazilmoqda. Bankachalarni ushbu shior bilan ishlab chiqarish orqali kompaniya bizga mamlakatning o‘ziga xos madaniyati va tarixi, o‘zining an’analari hamda qadriyatlari bilan bog‘liqligini eslatishga qaror qildi.
Biz dunyoning istalgan mamlakatida, millionlab shunday mahsulotlar orasidan tanib oladigan ichimlik bankachalari birinchi marta 1960-yilda chiqarilgan. U vaqtda bankachalarni ochqichsiz ochishning imkoni yo‘q edi. 1964-yilga kelib esa Coca-Cola kompaniyasi ishtirokida alkogolsiz ichimliklar ishlab chiqaruvchilariga juda zarur bo‘lgan, yuqoriga ko‘tarib ochiladigan bankachalar ishlab chiqarildi va bottler kompaniyalarga taqdim etildi. Bankachalardagi o‘zgarish Coca-Cola iste’molchilar uchun ham, umuman jahon miqyosida alkogolsiz ichimliklar sanoati uchun ham yangilik bo‘ldi.
1969-yil 22-aprelda birinchi marta bozorga 24 ta Coca-Cola bankachasi uchun mo‘ljallangan, Cluster-Pak konteyneri chiqarildi. Bu Coca-Cola kompaniyasining yangiliklaridan yana biri bo‘ldi. Shunday qilib, Coca-Cola kompaniyasi hamda Milliy aeronavtika va fazo ma’muriyati (NASA) bilan hamkorlikda olib borgan, bir necha oy davom etgan sinovlardan so‘ng, tarixda birinchi marta Coke Space Can Challenger shattli bortida koinotga yuborildi.
Keyinchalik kompaniya odamlarning e’tiborini muhim ijtimoiy mavzularga jalb qilish maqsadida bankachalardan keng miqyosli tadbirlarda foydalanishni boshladi. Masalan, 2011-yilda Butunjahon yovvoyi tabiat fondi (WWF) bilan birgalikda AQSh va Kanadada “Arktikadagi uy” deb nomlangan aksiya yo‘lga qo‘yildi. Shu munosabat bilan klassik Coca Cola Arktika rangini ifodalovchi oq bankachalarda chiqarildi. Bankachalarda maxsus kod mavjud edi — uni ko‘rsatilgan raqamga jo‘natish orqali har kim oq ayiqlarning tabiiy yashash muhitini saqlash fondiga 1 dollar xayriya qilishi mumkin edi. Bu aksiya rekord darajadagi mablag‘ — 2 million dollar yig‘ishga muvaffaq bo‘ldi va bu Coca Cola tarixidagi eng muvaffaqiyatli aksiyalardan biri bo‘ldi.
“O‘zbekistonda bankchalarning ishlab chiqarilishini yo‘lga qo‘yish — bu keng ko‘lamli hodisa. Endi yangi format yanada qulay va barcha Coke muxlislari uchun yanada yaqinroq bo‘ladi hamda biz ishlab chiqarish liniyasi o‘z ishini muvaffaqiyatli boshlaganidan juda mamnunmiz”, — deya ta’kidladi “Coca-Cola Ichimligi O‘zbekiston” MChJ bosh direktori Abdusamat Xalilovich Himmatov.
Bankali liniya O‘zbekistonga 2020-yilning boshida olib kelingan, biroq pandemiya tufayli mazkur mahsulotning chiqarilishi to‘xtatilgan edi. Birinchi bosqichda mazkur yangi liniya kompaniyaning portfelini 4 turga, ikkinchi bosqichda yana 5 turga ko‘paytiradi. Mazkur qadoq yo‘lda yoki uyda mahsulotlarimizning salqin, betakror ta’midan bahramand bo‘lish imkoniyatini beradi. Mazkur liniyaning ishlab chiqarish quvvati soatiga 14 000 bankani tashkil qiladi, ishlab chiqaruvchi esa Italiyaning Corfill kompaniyasi.
Ushbu tadbir doirasida Coca-Cola o‘zbekistonlik dizayner Saida Amir bilan hamkorlikni boshladi. Saida Amir ko‘p yillardan buyon milliy koloritni zamonaviy tendensiya bilan uyg‘unlashtirgan holda betakror eksklyuziv kiyimlar yaratib kelmoqda. London san’at universitetining bir qismi bo‘lgan, taniqli Sent-Martin kollejining bitiruvchisi bo‘lmish Saida o‘zining ishlarida o‘zbek bezaklari va milliy kiyimlar elementlarini ajoyib tarzda qayta jonlantirib, noyob dizaynerlik obrazlarini ishlab chiqarmoqda. Shu bilan birga, u moda sharoitida uni boshqalardan farqlab turadigan va ajratib turadigan kiyimlarni yaratishga nisbatan nostandart qarashga va konseptual yondashuvga ega. Uning kolleksiyalari London, Parij, Vashington va dunyoning boshqa shaharlarida o‘tkazilgan ko‘rgazmalar, moda haftaliklari va festivallarda muvaffaqiyatli ishtirok etgan.
“Men uchun Coca-Cola kabi brend bilan hamkorlik qilish — bu bizning bezaklarimizning naqadar go‘zalligini, Sharqning betakrorligini, O‘zbekiston madaniyati naqadar o‘ziga xos va betakror ekanligini auditoriyaga eslatish uchun yana bir imkoniyat. Futbolkalarni yaratishda men Endi Uorxolning ijodidan ilhom oldim. U butun hayoti davomida odamlarning eng oddiy narsalarga bo‘lgan qarashlarini o‘zgartirishini, ularga mutlaqo boshqa tomondan, turmushning kundalik atributlari deb emas, balki san’at asari deb qarashini orzu qilar edi. Chunki bizni o‘rab turgan barcha narsalar ajoyib va betakror”, — deya ta’kidladi dizayner.
Saida pop-art uslubidan ilhomlanib, milliy, amaliy dekorativ san’at va arxitektura elementlari – adras, beqasam, minora elementlari, so‘zana, ganchdan foydalanilgan, Coca-Cola bankachalari tasvirlangan futbolkalarni yaratdi. Pop-art uslubi o‘tgan asrning 60 yillarida paydo bo‘lgan va ayni o‘sha vaqtda Amerikada birinchi Coca-Cola bankachalari chiqarilgan.
Ushbu hodisa to‘g‘risidagi VIII asrning qayta tiklangan texnologiyasi bo‘yicha Samarqandda qo‘lda tayyorlangan, Samarqand qog‘ozida yozilgan yozuv ichimliklarini bankachalarda ishlab chiqarishni yo‘lga qo‘yish bo‘yicha PR kampaniyaga yanada ko‘proq o‘ziga xoslik bag‘ishlamoqda.
Respublikada bankachalarning chiqarilishini “O‘zbekistonda ishlab chiqarilgan” shiori ostida tashkil etilgan aksiya bilan boshlanishi tasodifiy emas. Global kompaniya sifatida Coca-Cola mahalliy miqyosda faoliyat yuritadi va o‘zi faoliyat yuritayotgan mamlakatning milliy qadriyatlari, madaniyati va an’analarini yuksak qadrlaydi.
Reklama huquqi asosida.
Izoh (0)