Bugun,

  • USD 11095.31
  • RUB 173.84
  • EUR 10772.44

“Toshkent besh tashabbus harakati” doirasida yoshlar bilan ochiq muloqotda bosh vazir maslahatchisi Olimjon Umarov internet tezligi haqidagi masalaga to‘xtalib o‘tdi. Bu haqda “Daryo” muxbiri xabar bermoqda.

Foto: “Daryo”

Foto: “Daryo”

“Men sehrgar emasman, internet tezligini oshirib yubora olmayman. Biroq bu borada ishlar olib borilmoqda, qiladigan ishlar bor hali” — deya ta’kidladi u.

Olimjon Umarovning so‘zlariga ko‘ra, O‘zbekistonda so‘nggi bir necha yil ichida internet narxi arzonlashdi.

Sun’iy yo‘ldosh orqali internet uzatish haqidagi savolga esa, bunday internet aloqa qimmat va barqaror emasligini, eng barqaror internet — optik tolali aloqa ekanini ta’kidlagan.

“2015-yilda butun respublika bo‘ylab 2 ming kilometr uzunlikdagi optik tolali kabellar tortildi, joriy yilda 50 ming kilometr kabel tortish rejalashtirilgan. 1-iyundan boshlab aloqa operatorlari uchun internet narxi o‘zgaradi, narxlar yana 15 foizga pasayadi.

Yana bir muhim jihat — ilgari ‘tezlik 4 MBgacha’ deb yozishardi. Endi o‘sha ‘gacha’ degan joyi bo‘lmaydi. Agar siz internet uchun 100 ming so‘m to‘lasangiz, siz xizmatlarning butun hajmi uchun to‘lagan bo‘lasiz. Agar sekundiga 10 MB yozilgan bo‘lsa, demak, xuddi shuncha tezlik bo‘lishi kerak” — deya qayd etdi u.

Eslatib o‘tamiz, Shavkat Mirziyoyev 2021-yil 22-aprel kuni o‘tkazilgan videoselektor yig‘ilishida Olimjon Umarov, axborot texnologiyalari va kommunikatsiyalarini rivojlantirish vaziri Shuhrat Sodiqovga internet xizmatlari hajmini kamida 2 baravarga oshirish topshirig‘ini bergandi.

Olimjon Umarov O‘zbekiston bosh vazirining maslahatchisi sifatida 2020-yilning may oyida ish boshlagan. Unga qadar 2017-yildan buyon axborot texnologiyalari va kommunikatsiyalarini rivojlantirish vazirining birinchi o‘rinbosari  lavozimida ishlab kelgan.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov