O‘zbekistonda tarovih namozlarida har kuni o‘rtacha 600 mingga yaqin namozxon qatnashdi. Bu haqda Din ishlari bo‘yicha qo‘mita raisining birinchi o‘rinbosari Muzaffar Komilov ma’lum qildi.
Qo‘mita raisining o‘rinbosarini so‘zlariga ko‘ra, mamlakatda Ramazon oyi davomida 2046 ta masjidda belgilangan qat’iy sanitariya-gigiyena talablari asosida tarovih namozlari o‘tkazilgan. Shundan 1384 tasida xatmi Qur’onlar o‘qilgan.
Respublikadagi 30 dan ziyod jome masjidda o‘tkazilgan xatmi Qur’on tadbirlari internet orqali onlayn namoyish etilgan.
Ta’kidlanishicha, tarovih namozlari o‘qilayotgan masjidlarda xavfsizlik va jamoat tartibini saqlash maqsadida, Ichki ishlar vazirligi va Milliy gvardiyaning tegishli buyruqlari asosida 7000 nafar mas’ul xodim jalb etilgan.
Shuningdek, favqulodda vaziyatlarni oldini olish va yong‘in xavfsizligini ta’minlash uchun 1965 nafar hududiy favqulodda vaziyatlar bo‘linmalari xodimlari va 91 ta yong‘in-qutqaruv avto-ekipajlarning navbatchiligi tashkil etilgan.
Qayd etilishicha, o‘tkazilgan tarovih namozlarida har kuni o‘rtacha 600 mingga yaqin namozxon qatnashgan.
Izoh (0)