Futbol bo‘yicha Ispaniya La Ligasining 34-turida “Real” 1-may, shanba kuni “Osasuna” bilan bahs yuritdi.
Madridda kechgan bahsning katta qismida darvozalarga to‘p kiritilmadi. Faqatgina 76-daqiqada Eder Militao hisobni ochdi. Oradan 4 daqiqa o‘tar-o‘tmas Kazemiro oradagi farqni oshirishga muvaffaq bo‘ldi.
Madrid klubi shu tariqa o‘yin so‘ngida chempionlik kurashidagi intrigani saqlab qoldi. Ushbu g‘alabadan keyin Zinedin Zidan shogirdlarining ochkolari 74 taga yetdi. Peshqadam “Atletiko”ning hisobida 76 ochko bor. Bitta kam o‘yin o‘tkazgan “Barselona” esa 71 ochkoga ega.
La Liga
34-tur bahsi
1-may, shanba
“Real Madrid” — “Osasuna” 2:0
Gollar: 1:0 – 76 Militao, 2:0 – 80 Kazemiro."Real Madrid": Kurtua, Odriosola, Militao, Marselo (Migel Gutyerres, 64), Varan (Nacho, 46), Asensio (Arribas, 83), Kazemiro, Vinisius Junior (Rodrigo, 64), Antonio Blanko, Azar (Isko, 72), Benzema.
"Osasuna": Errera, Vidal, Sanches, Aridane, David Garsiya, Torro (Xoni Rodriges, 84), Monkayola, Roberto Torres (Barxa, 81), Ruben Garsiya (Adrian, 81), Chimi Avila (Budimir, 64), Martines (Brashanas, 64).
Ogohlantirishlar: Martines (54), Oyer Sanxurxo (55).
Izoh (0)