Madridning “Real” klubi 2020/21-yilgi mavsumdagi jarohatlar soni bo‘yicha rekord natija qayd etmoqda.
Avvalroq jamoa himoyachisi Dani Karvaxal “Chelsi”ga qarshi o‘yinda (1:1) jarohat olgani va mavsum oxirigacha safdan chiqqani ma’lum bo‘lgandi.
Bu “Real” uchun mavsumdagi 51-jarohat bo‘ldi. Koronavirus yuqtirib olishni qo‘shib hisoblanganda “Real”ning mavsumdagi yo‘qotishlari 57 taga yetadi — bu o‘rtacha har ikki haftada bir futbolchi safdan chiqadi degani.
Joriy mavsum “Real”ning faqat ikki futbolchisi jarohat olmadi, bular darvozabonlar: Tibo Kurtua va Andrey Lunin.
La Ligada jarohatlar soni bo‘yicha “Real”dan keyingi o‘rinda “Barselona” (35 ta jarohat) va “Vilyarreal” (34) bormoqda, deya xabar qilmoqda Mundo Deportivo.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)