Осиё Чемпионлар Лигасининг 6-турида «Шаржа» 29 апрель, пайшанба куни «Трактор»га қарши баҳс олиб борди.
Учрашув Эрон клубининг ғалабаси билан якунланди. 7-дақиқада Муҳаммад Аббосзода ҳисобни очди. 66-дақиқага келиб эса Аббосзоданинг ўзи дублни расмийлаштирган ҳолда жамоасининг ишончли ғалабасини таъминлади.
Қайд этиш жоиз, мазкур учрашув «Шаржа» учун аҳамиятсиз эди, боиси жамоа 5-турда кейинги босқич масаласини ҳал этиб бўлганди. БАА клуби сафида тўп сурадиган Отабек Шукуров мазкур баҳсда 56-дақиқада захирага олинди.
Гуруҳ босқичи якунларига кўра «Пахтакор» ўрин олган B гуруҳидан кейинги босқичга БААнинг «Шаржа» (11) ва Эроннинг «Трактор» (10) клублари йўл олди. Тошкент клуби эса 7 очко билан 3-ўринни эгаллади.
ОЧЛ
6-тур баҳси
29 апрель, пайшанба
Изоҳ (0)