AQShning Nyu-York shahar meri Bill de Blazio koronavirusga qarshi kurash fonida joriy etilgan barcha cheklovlarning 1-iyuldan bekor qilinishi haqida ma’lum qildi, deb yozmoqda “Interfaks”.
“Biz 1-iyuldan boshlab Nyu-Yorkni to‘liq ochishni rejalashtiryapmiz. Biz do‘konlarni, shuningdek, firmalar, idoralar, va teatrlarni ochishga tayyormiz”, — dedi Blazio MSNBC telekanalining tonggi dasturida.
Uning ta’kidlashicha, bu maqsadga erishish uchun “avvalgidek ko‘p ish bajarilishi kerak”. Shuningdek, mer emlanmagan aholini vaksinatsiyadan o‘tishga chaqirdi.
Amerika sog‘liqni saqlash organlarining ma’lumotlariga ko‘ra, so‘nggi bir hafta ichida mamlakatdagi koronavirus bilan kasallanish, shifoxonaga yotqizish va o‘lim darajasi pasaymoqda.
AQShda yoshi kattalarning taxminan 38 foizi vaksinatsiya qilindi. Shuningdek, mamlakatdagi 18 yoshdan katta aholining yarmidan ko‘pi vaksinaning kamida bitta dozasini oldi.
Pandemiya boshidan buyon AQShda koronavirusga chalinish bilan bog‘liq 32,9 milliondan ortiq holat ro‘yxatga olindi, 588 mingdan ortiq bemoq virus qurboniga aylandi.
Avvalroq AQShda Texas A&M universiteti olimlari COVID-19’ni bir soniyada yoki undan ham tezroq yo‘q qilishga imkon beruvchi usulni kashf etgani haqida xabar berildi.
Shuningdek, AQShning Biologik himoyaga qarshi kurash va tahlil milliy markazi olimlari quyosh nuri SARS-CoV-2 virusini yo‘q qilishi mumkinligini, ammo u quyosh nurlari ta’sir qilish davomiyligi, kengligi va kunning qaysi vaqtida ta’sir ko‘rsatishiga bog‘liqligini aniqlagandi.
Mavzuga doir:
- Hindistonda COVID-19’ga chalinish bo‘yicha yana jahon rekordi yangilandi. AQSh koronavirusga qarshi kurashda Hindistonga 100 mln dollarlik yordam yuboradi
- Olimlar koronavirusga chalingan insonlarda nima sababdan ta’m bilish hissi yo‘qaloyatganini aniqladi
- Barselonada koronavirusga qarshi emlanmaganlar uchun konsert kutilmaganda COVID-19 o‘chog‘iga aylanmadi
Izoh (0)