Bugun,

  • USD 11095.31
  • RUB 173.84
  • EUR 10772.44

Prezident matbuot kotibi Sherzod Asadov 26-aprel, dushanba kuni o‘tkazilgan brifingda elektr energiyasini hisobga olish va nazorat qilishning avtomatlashtirilgan tizimi (ASKUE)ning afzalligi haqida so‘z yuritdi, deya xabar bermoqda “Daryo” muxbiri.

Foto: “Daryo”

Foto: “Daryo”

“Prezidentimiz 23-aprel, juma kuni tushdan keyin Toshkent shahridagi yangi korxonalar va poytaxtdagi obodonlashtirish ishlari bilan tanishdilar.

Birinchi obyekt “Hududiy elektr tarmoqlari” aksiyadorlik jamiyatining Elektr energiyasini hisobga olish markazi bo‘ldi. Bu markaz haqiqatan ham zamonaviy, eng rivojlangan davlatlar darajasida. Butun mamlakatimizdagi elektr tarmoqlari  “kaftdagidek” ko‘rinib turarkan.

Bilasiz, ilgari qanday bo‘lardi? Kimdir transformatorga o‘g‘rincha ulanib olardi, boshqa yoqda qanchadir odamga elektr yetib bormasdi. O‘ziб umuman, tizimda o‘g‘rilik, uzilishlar ko‘p edi.

Hozir bu yangi tizim orqali qayerda noqonuniy ulanish bo‘lsa, shu zahotiyoq kompyuterga ma’lumot keladi. Yoki biron joyda avariya bo‘lsa ham avvalgiday elektr idorasiga telefon qilish shart emas. Bu yoqda mutaxassislar qayerda nosozlik borligini onlayn rejimda ko‘rib, o‘zlari o‘sha yerga ta’mirlash guruhini yuboradi.

Yana bir muhim tomoni, ushbu “aqlli” tizim (elektr energiyasini hisobga olish va nazorat qilishning avtomatlashtirilgan tizimi – ASKUE – tahr.) o‘rnatilgani natijasida yiliga turli sabablarga ko‘ra 2-3 milliard kilovat soat elektr energiyasi yo‘qotilmaydigan bo‘ldi. Endi bu qo‘shimcha quvvat elektr taqchilligi kuzatilayotgan hududlarga yo‘naltiriladi”, — dedi Sherzod Asadov.

Izoh
Asosiy yangiliklar
Mahalliy
Tan olingan kambagʻallik. Hukumat muammoni qanday hal etmoqchi?
Dunyo
Rossiyada urushga borishdan bosh tortgan mahbuslarga qo‘shimcha jazo muddati bilan tahdid qilinmoqda — OAV
Salomatlik
Buyrakda toshlar, gipertoniya: rivojlanishiga birgina tuz sabab boʻladigan 4 ta xavfli kasallik