Adliya maslahatchisi Eshmurodov Abbos Ilyosovich Buxoro viloyatining Shofirkon tumani prokurori lavozimiga tayinlandi. Bu haqda “Daryo”ga viloyat prokuraturasi axborot xizmati rahbari Anvar Esanov ma’lum qildi.
Ta’kidlanishicha, Abbos Eshmurodov tayinlovga qadar, Buxoro viloyati prokurorining voyaga yetmaganlar haqidagi qonunchilik ijrosi ustidan nazorat bo‘yicha katta yordamchisi lavozimida ishlagan. Shuningdek, u Olot tuman prokurori hamda Jizzax viloyat prokurorining o‘rinbosari lavozimlarida faoliyat yuritgan.
Eslatib o‘tamiz, Shofirkon tumaniga yangi prokuror tayinlanguniga qadar ushbu lavozimda Tangriyev Jasur Olimovich faoliyat yuritgan. U 2020-yilning 13-aprel kuni Prezident rahbarligida o‘tkazilgan videoselektorda yoshlar bilan ishlashdagi kamchiliklari uchun tanqid qilingan edi.
Izoh (0)