Futbol bo‘yicha Osiyo Chempionlar Ligasi guruh bosqichi 4-turi doirasida “Paxtakor” 23-aprel, juma kuni “Sharja” bilan bahs yuritdi.
Uchrashuvda 1:1 hisobi qayd etildi. Dastlab 59-daqiqada Hojiakbar Alijonovning uzatmasini Eren Derdeyok golga aylantirgandi. Ammo BAA klubi bunga o‘yinning asosiy vaqti tugashiga 3 daqiqa qolganida Muhammad Halfanning goli bilan javob qaytardi. Shu tariqa “sherlar” ushbu durangdan keyin o‘zi uchun guruhdan chiqish vazifasini yanada qiyinlashtirdi.
Mazkur bahsda “Sharja” safida to‘p suradigan o‘zbekistonlik yarim himoyachi Otabek Shukurov to‘liq 90 daqiqa harakat qildi.
Guruhning ikkinchi o‘yinida “Traktor” “Eyr Fors”dan ustun keldi. O‘yindagi yagona gol Mehdi Tikdari tomonidan 2-daqiqada kiritildi.
4-turdan keyin B guruhidagi holat quyidagicha ko‘rinish oldi:
OChL
Guruh bosqichi, 4-tur
“Paxtakor” — “Sharja” 1:1
Gol: 1:0 — 59 Derdiyok, 1:1 — 87 Halfan.“Paxtakor”: 32. Sanjar Quvvatov, 3. Hojiakbar Alijonov, 5. Anzur Ismoilov, 23. Sherzod A’zamov, 34. Farruh Sayfiyev, 27. Sardor Sobirxo‘jayev, 19. Sharof Muhiddinov, 28. Diyor Xolmatov (6. Ibrohimxalil Yo‘ldoshev, 79), 18. Hojimat Erkinov, 10. Dragan Cheran, 9. Eren Derdiyok (21. Abror Ismoilov, 79).
“Sharja”: 40.Odil al-Husani, 4.Shahin Abdulla, 7.Kayo, 8.Muhammad Abdulbosit, 14.Holid Bovazir, 17.Ali Muhammad, 18.Abdulla G‘anim, 19.Holid Ibrohim, 23.Salim Solih (Halfan, 84), 27.Luan Pereyra, 29.Otabek Shukurov.
Ogohlantirishlar: Muhiddinov (10), Ali Muhammad (64), Sobirxo‘jayev (67), Sayfiyev (80).
Izoh (0)