Gollivudning yulduzli juftligi Anjelina Joli va Bred Pittning bolalariga vasiylik qilish bilan bog‘liq sudlashish jarayonlari 5 yildan ortiq vaqtdan buyon davom etmoqda.

Foto: Reuters

Sobiq eri bilan tortishuvlar aktrisaga yomon ta’sir qilgan va sevimli ishini tashlashiga to‘g‘ri kelgan. “Men rejissorlikni yaxshi ko‘raman, ammo oilamda bir necha yillar davomida rejissura bilan shug‘ullana olmasligimga sabab bo‘ladigan o‘zgarishlar sodir bo‘ldi. Qisqa muddatda bajarsa bo‘ladigan ishlar bilan shug‘ullanishim, uyda ko‘proq bo‘lishimga to‘g‘ri kelgani uchun aktyorlikka qaytdim”, — degan Joli.

Foto: “Liza”

“Sinmas iroda”, “Ular otamni o‘ldirdilar” singari filmlarida o‘zini rejissor sifatida sinab ko‘rgan Anjelina ayni vaqtda karyera borasida aktrisalik bilan shug‘ullanmoqchi. Entertainment Weekly yaqin orada uning ijrosidagi “Menga o‘lim tilaganlar” filmi ekran yuzini ko‘rishini xabar beradi.

Aktrisa otasining aytishicha, qizining ajrashishini asosiy sababi spirtli ichimliklar bilan bog‘liq bo‘lgan. Avvalroq ayrim manbalar Bred Pitt navbatdagi sudlashish masalalari sabab g‘amga botganini ma’lum qilgan. Aktyor olti bolasi u bilan qolishni istamasligi haqida ovoza bo‘lganidan qayg‘uga botgan. Joli aktyor unga qo‘l ko‘targanini isbotlashga uringan, Bred shifoxonaga ketgan va uning nogironlar aravachasidagi surati tarqalgan.