Ingenuity uchuvchisiz vertolyoti Marsda birinchi sinov parvozini amalga oshirdi, deb yozadi “RBK”.
Ingenuity vertolyotli droniga o‘rnatilgan kamera uning sayyora yuzasigan tushib turgan soyasini suratga oldi. Undan teparoqda va pastroqda Perseverance marsoxodi g‘ildiraklarining izlarini ko‘rish mumkin.
Foto: NASA
“Ma’lumotlar shuni ko‘rsatmoqdaki, vertolyot muvaffaqiyatli birinchi parvozni amalga oshirdi”, — deyiladi NASA’ning Twitter’da qoldirgan xabarida. Ingenuity boshqa sayyorada parvoz qilgan birinchi qurilmaga aylandi, deya qayd etdi muassasa.
"Wow!"
The @NASAJPL team is all cheers as they receive video data from the @NASAPersevere rover of the Ingenuity #MarsHelicopter flight: pic.twitter.com/8eH4H6jGKs— NASA (@NASA) April 19, 2021
Ingenuity Mars yuzasidan taxminan 3 metr balandlikka ko‘tarilib, 30 soniya davomida shu balandlikni ushlab turdi. So‘ng dron qo‘nishni amalga oshirdi. Vertolyot o‘z videokamerasidan olingan suratlarni va Perseverance marsoxodi haqidagi ma’lumotlarni Yerga uzatdi.
🚁 A dream takes flight! Today, the Ingenuity #MarsHelicopter became the first aircraft in history to make a powered, controlled flight on another planet.
📺 Join us at 2pm ET (18:00 UTC) for an analysis of Ingenuity’s first flight & what's to come: https://t.co/Tj5bOylcqr pic.twitter.com/jiU9kzBLEz— NASA (@NASA) April 19, 2021
Dastlab vertolyot 11-aprel kuni uchirilishi kerak edi, ammo parvoz muddati bir necha marta ko‘chirildi.
Ingenuity Marsga Perseverance marsoxodi bilan birga yetib kelgan. Marsoxod ortilgan raketa 2020-yil iyulida Florida shtatida joylashgan Kanaveral burnidagi kosmodromdan uchirilgan edi. Fevralda Amerika roveri Yezero krateriga borib qo‘ndi. Bungacha sun’iy yo‘ldoshdan olingan ma’lumotlar yordamida u yerda katta ko‘lga borib quyilgan daryo o‘zani izlari aniqlangan edi. Olimlar fikricha, kraterda hayot izlari saqlanib qolgan bo‘lishi mumkin.
You wouldn’t believe what I just saw.
More images and video to come...#MarsHelicopterhttps://t.co/PLapgbHeZU pic.twitter.com/mbiOGx4tJZ— NASA's Perseverance Mars Rover (@NASAPersevere) April 19, 2021
Vertolyot 31 kun (Yer hisobi bo‘yicha) ishlashga mo‘ljallangan. Parvozlar chog‘ida dron hududni aerofotosyomka qiladi. Keyingi parvoz to‘rt kundan so‘ng amalga oshishi kerak, unda Ingenuity 5 metrgacha balandlikka ko‘tarilishi kutilmoqda.
Incredible. Ingenuity’s shadow during flight. Biggest congrats to #MarsHelicopter team! pic.twitter.com/YCzpJ1b2Kg
— Thomas Zurbuchen (@Dr_ThomasZ) April 19, 2021
Dronning og‘irligi taxminan 1,8 kg bo‘lib, uni ishlab chiqish uchun 85 million dollar sarflangan. NASA avvalroq bunday qurilma uchun asosiy muammo Mars atmosferasining o‘ta siyrakligidan iborat bo‘lishini ma’lum qilgandi. “Mars atmosferasining zichligi Yernikining atigi 1 foiziga teng, shu sababli, vertolyot shunchaki sayyora yuzasida turgan vaqtida ham bu uning uchun Yerdagi 30 km balandlikka teng bo‘ladi”, — degan edi loyiha muallifi.
