Checheniston rahbari Ramzan Qodirovning 13 yoshli o‘g‘li Adam Qodirov Grozniyda bo‘lib o‘tgan boks musobaqasida hakam kutilmaganda jangni to‘xtatib, hali yiqilmagan raqibning nokdaunini hisoblashni boshlagach, g‘alaba qozondi. Bu haqda Meduza xabar berdi.
Uchrashuvda namoyish etilgan jang videosi “Match! Boyets” telekanalida ko‘rsatilib, “Ne TV”da jamoatchilikka taqdim etilgan. Jangdagi noodatiy holatga “Podyom” nashri e’tibor qaratdi.
Jang aprel oyi boshida Grozniy shahridagi “Afsonalar vaqti 6: Maxsus operatsiya” boks turnirida bo‘lib o‘tgan. Ringda Adam Qodirov qora kiyimda bo‘lsa, uning raqibi — Rossiya Federatsiyasi tarkibiga kiruvchi Kabardin-Balkariya Respublikasidan kelgan Aslan Bittirov ko‘k rangli kiyimda edi. Bittirov va Qodirovning o‘g‘li endigina bir-biriga zarba berishni boshlaganda hakam jangni to‘xtatgan va Bittirovning nokdaunini hisoblashni boshlagan. Bittirovning sekundanti esa mag‘lubiyatini tan olib, ringga sochiqni tashlagan. Shundan so‘ng jang tugadi deb e’lon qilingan. “Rostini aytsam, juda tushunarsiz holat”, — dedi jang sharhlovchisi efirda.
8-aprel kuni “Grozniy-inform” veb-saytida havaskorlar janglarning birida Adam Qodirov texnik nokaut bilan g‘alaba qozongani haqida xabar tarqaldi. “Bokschining raqibi Kabardin-Balkariyadan Aslan Bittirov edi, tomoshabinlarning so‘zlarga ko‘ra, Adam unga bittayam imkoniyat qoldirmagan”, — deb yozadi nashr.
2020-yilning dekabr oyida Ramzan Qodirovning 20 yoshli qizi Xadijat Qodirova Grozniyda maktabgacha ta’lim boshqarmasi boshlig‘i bo‘lgan edi. 2020-yilning sentabrida Qodirov o‘zining 21 yoshli qizi Ayshatni respublika madaniyat vazirining birinchi o‘rinbosari etib tayinlagandi.
Mavzuga doir:
- OAV: Ramzan Qodirov va uning oilasini qo‘riqlash uchun besh yil ichida budjetdan 13 mln dollardan ortiq pul sarflangan
- Checheniston rahbari tinchlik bo‘yicha Nobel mukofotiga nomzod sifatida qayd etildi
- Chechenistonda Qodirov va uning qarindoshlari sharafiga nomlangan 346 ta ko‘cha borligi aniqlandi
Izoh (0)