“O‘zkimyosanoat” aksiyadorlik jamiyati va jamiyat tizimidagi tarmoq korxonalarining 2019-yil 31-dekabr holatiga ko‘ra konsolidatsiyalashgan moliyaviy hisoboti Moliyaviy hisobotlarning xalqaro standartlariga (MHXS) muvofiq, Xalqaro audit standartlari (XAS) asosidagi birinchi yillik moliyaviy hisobotining auditi yakunlandi va auditorlik xulosasi olindi.
Kimyo sanoati tarmoq korxonlarida moliyaviy hisobotlarning xalqaro standartlarini tatbiq etishning ilk qadami tashlanganligini hamda konsolidatsiyalashgan moliyaviy hisobotlar MHXS’ga muvofiq audit, xalqaro auditorlik tashkiloti “Grant Thornton” MChJ tomonidan amalga oshirildi.
Bugungi kunda “O‘zkimyosanoat” AJ va tarmoq korxonalarida 2020-yil 31-dekabrda yakunlangan, moliyaviy yil konsolidatsiyalashgan moliyaviy hisobotlarini MHXS’ga muvofiq, xalqaro audit standartlari asosida auditini o‘tkazish bo‘yicha texnik topshiriqlar tasdiqlangan. Xalqaro katta to‘rtlikka (Big four) kiradigan xalqaro auditorlik tashkilotining eng yaxshi tijorat taklifini aniqlash maqsadida, davlat xaridlarining maxsus portalida tanlov e’lon qilish rejalashtirilmoqda.
Buxgalteriya hisobi milliy standartlaridan (BHMS) Moliyaviy hisobotlarning xalqaro standartlariga (MHXS) o‘tishning afzalliklariga to‘xtalganda, “O‘zkimyosanoat” AJning tarmoq korxonalarida moliyaviy ma’lumotlarning shaffofligi ta’minlanishi va xalqaro kredit reytingini olish imkoniyati yaratilishini ta’kidlab o‘tish lozim.
Shuningdek, xalqaro moliyaviy instrumentlardan samarali foydalangan holda tashqi va ichki moliya bozorlaridan resurslarni to‘g‘ridan-to‘g‘ri jalb qilish, bu esa o‘z navbatida, mahsulot tannarxini maqbullashtirish, natijada raqobatbardosh qiymat hisobiga eksport hajmini oshirish imkoni yaratiladi. Natijada to‘g‘ridan-to‘g‘ri chet el investitsiyalari, xalqaro moliyaviy institutlarning kredit resurslarini qo‘shimcha ta’minotlarsiz (davlat kafolati, bank va xorijiy hamkorlar kafolati) jalb qilish va ularni olish mexanizmi yengillashadi.
O‘zbekiston Respublikasi Prezidentining 2020-yil 24-fevraldagi “Moliyaviy hisobotning xalqaro standartlariga o‘tish bo‘yicha qo‘shimcha chora-tadbirlar to‘g‘risida”gi PQ 4611-sonli qaror talablariga muvofiq, 2021-yil 1-yanvardan boshlab, “O‘zkimyosanoat” AJ ham tarmoq korxonalarida buxgalteriya hisobini to‘liq MHXS asosida olib borilishi va moliyaviy hisobotlar MHXS asosida tuzilishi inobatga olingan. Jamiyat tomonidan 2020-yil sentabr—noyabr oylarida Sertifikatlangan diplomli buxgalter (ASSA) dasturi bo‘yicha Toshkent Moliya instituti qoshidagi ASSA Global hamkori International Institute of Finance & Accounting xalqaro o‘quv markazida Financial Accounting va Financial Reporting seminarlari tashkil etildi.
Seminarlarda jamiyat va tarmoq korxonalarning buxgalter xodimlaridan 57 nafari muvaffaqiyatli qatnashib, 4 nafar mutaxassis Financial Reporting, 19 nafar mutaxassis Financial Accounting sertifikatlangan diplomli buxgalter sertifikatiga ega bo‘ldi. Bir nafar mutaxassis esa ASSA Global 2020-yil dekabr oyidagi sessiyasining imtihonini muvaffaqiyatli topshirib, joriy yilning yanvar oyida Sertifikatlangan diplomli buxgalter (ASSA) F7 Financial Reporting sertifikatiga ega bo‘ldi. Qolgan mutaxassislarning 2021-yil iyunda ASSA Global sessiyasida imtihon topshirishi rejalashtirilgan.
Bundan tashqari, International Institute of Finance & Accounting xalqaro o‘quv markazi hamkorligida Financial Accounting va Financial Reporting seminarlarida muvaffaqiyatli qatnashgan 26 nafar mutaxassislar o‘rtasida 2021-yil fevral—mart oylarida “Buxgalteriya hisobining milliy standartlaridan (BHMS) moliyaviy hisobotlarning xalqaro standartlariga (MHXS) tranformatsiya qilish asoslari” mavzusida praktikum seminari o‘tkazildi. Ushbu seminarda har bir mutaxassis korxona amaliyotida yuritilayotgan 1C — Buxgalteriya bazasidan foydalangan holda to‘g‘ridan-to‘g‘ri transformatsiya qilish ko‘nikamlariga ega bo‘ldi.
“O‘zkimyosanoat” AJ tomonidan kimyo sanoati korxonalarida moliyaviy transformatsiya jarayoni davom ettiriladi.
“O‘zkimyosanoat” AJ matbuot xizmati
Izoh (0)