Futbol bo‘yicha Angliya Premyer Ligasining 31-turida “Liverpul” 10-aprel, shanba kuni “Aston Villa”ni qabul qildi.
Uchrashuv mersisaydliklarning g‘alabasi bilan yakunlandi. Dastlab Olli Uotkins mehmonlarni oldinga olib chiqdi. Yurgen Klopp shogirdlari esa bunga o‘yinning ikkinchi 45 daqiqaligida Muhammad Saloh va Trent Aleksandr-Arnoldning gollari bilan javob qaytardi. Shu tariqa “qizillar” o‘z maydonida irodali g‘alabaga erishdi.
Ushbu g‘alabadan keyin “Liverpul”ning ochkolari soni 52 taga yetdi, jamoa 4-o‘ringa ko‘tarildi. “Aston Villa” esa 44 ochko bilan 10-pog‘onani band etgan.
APL
31-tur bahsi
10-aprel, shanba
“Liverpul” — “Aston Villa” 2:1
Gollar: 0:1 – 43 Uotkins, 1:1 – 57 Saloh, 2:1 – 90+1 Aleksander-Arnold.“Liverpul”: Alisson, Aleksander-Arnold, Fillips, Kabak (Shakiri, 89), Robertson, Fabinyo, Milner, Saloh, Veynaldum (Tiago Alkantara, 70), Diogu Jota, Firmino (Mane, 75).
“Aston Villa”: Martines, Mingz, Targett, Konsa, Kesh, Makginn, Nakamba (Barkli, 66), Duglas Luis, Trezege (Remzi, 82), Traore (El-G‘ozi, 68), Uotkins.
Ogohlantirishlar: Konsa (25), Duglas Luis (49), Milner (65), Targett (73), Robertson (74), Uotkins (85).
Izoh (0)