JCh—2022 va Osiyo Kubogi—2023 qo‘shma saralashida O‘zbekiston terma jamoasi bilan bir guruhdan o‘rin olgan Saudiya Arabistoni va Falastin terma jamoalari 30-mart kuni o‘zaro bahs yuritdi.
Bu o‘yinda Saudiya Arabistoni 5:0 hisobidagi yirik g‘alabani qo‘lga kiritdi. Bu orqali saudiyaliklar ochkolarini 11 taga yetkazib olgan holda, D guruhida birinchi o‘ringa ko‘tarildi.
Mazkur bahsdan keyin D guruhi jadvali quyidagi ko‘rinishni oldi:
Ma’lumot uchun, 8 ta guruhda birinchi o‘rinni qo‘lga kiritgan jamoalar 3-bosqichga to‘g‘ridan to‘g‘ri yo‘llanma oladi. Shuningdek, eng yaxshi natija qayd etgan 4 ta ikkinchi o‘rin egalari ham JCh—2022 saralashining hal qiluvchi bosqichiga yo‘l oladi.
O‘zbekiston terma jamoasi D guruhida 9 ochko bilan 2-o‘rinda bormoqda. Ayni vaqtda Vadim Abramov shogirdlari 2-o‘rindagi 8 terma jamoa ichida eng yaxshi 4-jamoa bo‘lib turibdi. Shu bilan birga bu ro‘yxatning so‘nggi o‘rinlarida ketayotgan Janubiy Koreya (8 ochko) va Xitoy (7) terma jamoalari qolganlardan bitta kam o‘yin o‘tkazgan.
O‘zbekiston terma jamoasi iyun oyida Saudiya Arabistonida markazlashgan tizimda bo‘lib o‘tadigan saralash o‘yinlarida uchta uchrashuv o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)