ЖЧ—2022 ва Осиё Кубоги—2023 қўшма саралашида Ўзбекистон терма жамоаси билан бир гуруҳдан ўрин олган Саудия Арабистони ва Фаластин терма жамоалари 30 март куни ўзаро баҳс юритди.
Бу ўйинда Саудия Арабистони 5:0 ҳисобидаги йирик ғалабани қўлга киритди. Бу орқали саудияликлар очколарини 11 тага етказиб олган ҳолда, D гуруҳида биринчи ўринга кўтарилди.
Мазкур баҳсдан кейин D гуруҳи жадвали қуйидаги кўринишни олди:
Маълумот учун, 8 та гуруҳда биринчи ўринни қўлга киритган жамоалар 3-босқичга тўғридан-тўғри йўлланма олади. Шунингдек, энг яхши натижа қайд этган 4 та иккинчи ўрин эгалари ҳам ЖЧ—2022 саралашининг ҳал қилувчи босқичига йўл олади.
Ўзбекистон терма жамоаси D гуруҳида 9 очко билан 2-ўринда бормоқда. Айни вақтда Вадим Абрамов шогирдлари 2-ўриндаги 8 терма жамоа ичида энг яхши 4-жамоа бўлиб турибди. Шу билан бирга бу рўйхатнинг сўнгги ўринларида кетаётган Жанубий Корея (8 очко) ва Хитой (7) терма жамоалари қолганлардан битта кам ўйин ўтказган.
Ўзбекистон терма жамоаси июнь ойида Саудия Арабистонида марказлашган тизимда бўлиб ўтадиган саралаш ўйинларида учта учрашув ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)