Madridning “Real” klubi Ispaniyaning La Ligasi 28-turi doirasida “Selta” maydoniga safar qiladi.
“Qirollik klubi” bosh murabbiyi Zineddin Zidan ushbu bahsda maydonga tushishi mumkin bo‘lgan futbolchilar ro‘yxatini e’lon qildi. Kengaytirilgan tarkibdan himoyachilar Serxio Ramos, Dani Karvaxal va yarim himoyachi Eden Azar joy olmadi. Azar va Karvaxal jarohatdan tiklanish jarayonini boshdan o‘tkazayotgan bo‘lsa, murabbiylar shtabi Ramosning salomatligi borasida tavakkal qilmaslikka qaror qilgan. Boisi himoyachi yaqindagina jarohatidan forig‘ bo‘lgandi.
“Selta” — “Real Madrid” uchrashuvi Toshkent vaqti bilan 20-mart, juma kuni soat 20:15 boshlanadi.
To‘liq tarkib quyidagicha ko‘rinishda:
Darvozabon: Tibo Kurtua, Andrey Lunin, Diyego Altube.
Himoyachilar: Eder Militao, Rafael Varan, Nacho, Marselo, Ferlan Mendi.
Yarim himoyachilar: Toni Kroos, Luka Modrich, Kazemiro, Federiko Valverde, Isko.
Hujumchilar: Karim Benzema, Marko Asensio, Lukas Vaskes, Vinisius, Rodrigo, Ugo Duro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)