Futbol bo‘yicha O‘zbekiston Superligasining 3-turidan o‘rin olgan ikki uchrashuv 19-mart, juma kuni bo‘lib o‘tdi.
“Navbahor” Namanganda Qarshining “Nasaf” klubini qabul qildi. Uchrashuvda 0:0 hisobidagi nursiz durang qayd etildi.
3-turdan keyin “Navbahor” 4 ochko bilan 5-o‘rinda bormoqda. “Nasaf” esa (2) 11-o‘rindan joy olgan.
“So‘g‘diyona” “Qizilqum” mehmoni bo‘lib, 1:1 hisobidagi durangga imzo chekdi. Jizzaxliklarning goliga Iskandar Shoyqulov mualliflik qilgan bo‘lsa, mezbonlarning javob to‘pi Salim Mustafoyev nomiga yozildi.
Ushbu o‘yindan so‘ng “So‘g‘diyona” ochkolarini 7 taga yetkazib, 2-o‘ringa ko‘tarildi. “Qizilqum” 5 ochko bilan 3-pog‘onani band etib turibdi.
Superliga
3-tur bahslari19-mart, juma
“Navbahor” — “Nasaf” 0:0
“Navbahor”: 1.O‘tkir Yusupov, 7.Azimjon Ahmedov, 9.Ivan Solovyov, 10.Quvondiq Ro‘ziyev, 11.Islombek Isoqjonov, 17.Ehsoni Payshanbe (18.Bahrom Abdurahimov, 66), 19.Mirzohid G‘ofurov (28.Nikola Tashich, 46), 22.Igor Golban, 24.Davron Hoshimov, 67.Marko Putinchanin, 88.Slavisha Stoyanovich.“Nasaf”: 1.Umid Ergashev, 4.Husniddin Aliqulov, 5.G‘olib G‘aybullayev, 15.Jo‘rabek Mannonov (6.Murod Xo‘jamberdiyev, 66), 19.Husayin Norchayev, 22.Akmal Mozgovoy, 34.Sherzod Nasrullayev, 70.Abubakr-Rizo Turdialiyev (20.Suhrob Nurulloyev, 85), 77.Oybek Bozorov (14.Shokir Yo‘ldoshev, 73), 88.Marko Stanoyevich, 92.Umar Eshmurodov.
Ogohlantirishlar: Islombek Isoqjonov 27, G‘olib G‘aybullayev 27, Jo‘rabek Mannonov 41.
“Qizilqum” — “So‘g‘diyona” 1:1
Gollar: 0:1 — 54 Shoyqulov, 1:1 — 71 Mustafoyev.“Qizilqum”: 1.Ignatiy Nesterov, 6.Erkin Boydullayev, 7.Oybek Qilichev, 8.Giorgi Kuxianidze, 10.Mate Vatsadze, 17.Salim Mustafoyev, 20.Islom To‘xtaxo‘jayev, 21.Muhsinjon Ubaydullayev (19.Jamshid Hasanov, 65), 23.Sherali Jo‘rayev, 30.Elguja Grigalashvili, 75.Oleg Tolmasov.
“So‘g‘diyona”: 1.Shirinboy Abdullayev, 2.Sardor Qulmatov, 5.Ayubxon No‘monov, 6.Iskandar Shoyqulov, 8.Jamshid Boltaboyev, 10.Shohruz Norxonov (77.Sahob Rashidov, 77), 17.Shahboz Jo‘rabekov, 19.Javohir Qahramonov (7.Arslanmurod Omonov, 61), 28.Ergash Ismoilov, 31.Luka Chermel (4.Elyor Orifov, 21), 93.Marko Kolakovich.
Ogohlantirishlar: Islom To‘xtaxo‘jayev 64, 81. Giorgi Kuxianidze 81, Shahboz Jo‘rabekov 88.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)