Futbol bo‘yicha O‘zbekiston Superligasining 3-turida “Lokomotiv” 18-mart, payshanba kuni “Turon” maydoniga safar qildi.
Yaypanda kechgan bahsda umumiy hisobda 4 ta gol urildi. Dastlab Dayan Ponyevich 4-daqiqada hisobni ochib, mezbonlarni hisobda oldinga olib chiqdi. 11-daqiqaga kelib esa Vladislav Kasminin oradagi farqni ikkitaga oshirdi. Shundan so‘ng “temiryo‘lchilar” yarim himoyachisi Javohir Siddiqov 16-daqiqada oradagi farqni qisqartirishga erishdi. Ikkinchi bo‘limning 69-daqiqasida esa Temurxo‘ja Abduxoliqov “Lokomotiv”ning ikkinchi golini urib, muvozanatni tikladi.
3-turdan keyin 1 ochkodan jamg‘argan “Lokomotiv” va “Turon” klublari 12 va 13-o‘rinlarni egallab turibdi.
Superliga
3-tur bahsi18-mart, payshanba
“Turon” — “Lokomotiv” 2:2
Gollar: 1:0 — 4 Ponyevich, 2:0 — 11 Kasminin, 2:1 — Siddiqov, 2:2 — 69 Abduxoliqov.“Turon”: 96. Islom Abdullayev, 2. Abduqahhor Hojiakbarov, 3. Davronbek Umirov, 7. Kvame Karikari, 17. Muzaffarjon Muzaffarov, 19. Vladislav Kasminin, 23. Abdurahmon Abdulhaqov (5. G‘iyosjon Komilov, 70), 30. Sinisha Babich(18. Fozil Musayev, 66), 32. Jahongir Mehmonov, 55. Dayan Ponyevich, 77. Bilolxon Toshmirzayev( 22. Abdulazizxon Abdurashidov, 66).
“Lokomotiv”: 35. Javohir Ilyosov, 28. Shuhrat Muhammadiyev (9. Javohir Alijonov, 46), 37. Sherzod Fayziyev, 20. Jaloliddin Jumaboyev, 22. Diyego Bardanka, 4. Dilshod Komilov(10. Marat Bikmayev, 63), 21. G‘ulomhaydar G‘ulomov, 5. Kaxi Maxaradze (14. Aziz Omonov, 46), 8. Javohir Siddiqov, 17. Sanjar Qodirqulov, 11. Temurxo‘ja Abduxoliqov.
Ogohlantirishlar: Sinisha Babich 34, Vladislav Kasminin 48, Javohir Sidiqov 64, Abdurahmon Abdulhaqov 68, Davronbek Umirov 72, Temurxo‘ja Abduxoliqov 85,
Chetlatish: Vladislav Kasminin 67.
Izoh (0)