Futbol bo‘yicha Yevropa Chempionlar Ligasining 1/8 final javob bahsidan o‘rin olgan ikki o‘yin 17-mart, chorshanba kuni bo‘lib o‘tdi.
“Chelsi” o‘z maydonida “Atletiko M”ni qabul qildi. Teng kurashlar ostida o‘tgan birinchi 45-daqiqalik “Chelsi” foydasiga hal bo‘ldi. 34-daqiqada Hakim Ziyosh Timo Vernerning chap qanotdan jarima maydonchasiga oshirgan to‘pini darvozaga joylab qo‘ydi.
Ikkinchi bo‘limning qo‘shib berilgan daqiqalarida Emerson o‘z nomiga gol yozdirib qo‘yib, o‘yinga yakuniy nuqtani qo‘ydi. Shu tariqa “Chelsi” ikki o‘yin natijasiga ko‘ra 3:0 hisobida g‘alaba qozonib, keyingi bosqich yo‘llanmasini naqd qildi.
“Bavariya” Myunxenda “Latsio”ni mehmon qilib, rimliklar ustidan 2:1 hisobidagi g‘alabani tantana qildi. 33-daqiqada Robert Levandovski 11 metrlik penalti zarbasini muvaffaqiyatli amalga oshirib, mezbonlarni hisobda oldinga olib chiqqan bo‘lsa, 73-daqiqada esa Erik Shupo-Moting oradagi farqni oshirdi. Ushbu gollarga “Latsio” 82-daqiqada Marko Paroloning goli bilan javob qaytardi.
Chempionlar Ligasining chorak final bosqichiga quyidagi jamoalar yo‘llanmani qo‘lga kiritdi: PSJ, “Liverpul”, “Borussiya D”, “Portu”, “Real”, “Manchester Siti”, “Chelsi” va “Bavariya”.
Chempionlar Ligasi
1/8 final, javob bahslari17-mart, chorshanba
“Chelsi” Angliya — “Atletiko M” Ispaniya 2:0
Gollar: 1:0 – 34 Ziyosh, 2:0 – 90+4 Emerson.“Chelsi”: Mendi, Jeyms, Ryudiger, Zuma, Alonso, Ziyosh (Pulishich, 77), Kovachich, Haverts, Kante, Aspilikueta, Verner (Hadson-Odoi, 83).
“Atletiko”: Oblak, Trippyer (Lemar, 69), Savich, Ximenes, Lodi (Ermoso, 46), Koke, Saul, Lyorente, Karrasko (Dembele, 53), Joau Feliks, Suares (Korrea, 59).
Ogohlantirishlar: Haverts (30), Lodi (31), Saul (51), Ximenes (60), Koke (72).
Chetlatish: Savich (81).
Birinchi o‘yin — 1:0
“Bavariya” Germaniya — “Latsio” Italiya 2:1
Gollar: 1:0 – 33, penalti Levandovski, 2:0 – 73 Shupo-Moting, 2:1 – 82 Parolo.“Bavariya”: Nyubel, Pavar, Boateng (Zyule, 46), Lyuka Ernandes, Alaba, Gnabri, Kimmix (Xavi Martines, 77), Sane, Goretska (Devis, 64), Myuller (Musiala, 71), Levandovski (Shupo-Moting, 71).
“Latsio”: Reyna, Lassari (Parolo, 57), Radu, Acherbi, Marushich, Luis Alberto (Kataldi, 75), Eskalante (Akpa-Akpro, 84), Milinkovich-Savich, Fares (Lulich, 46), Korrea, Muriki (Pereyra, 56).
Ogohlantirishlar: Radu (26), Acherbi (31), Milinkovich-Savich (39), Goretska (48), Korrea (70).
Birinchi o‘yin — 4:1.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)