Chempionlar Ligasida haftaning eng yaxshi o‘yinchisi nomiga da’vogarlar ma’lum qilindi

UEFA o‘z an’anasiga ko‘ra Chempionlar Ligasining navbatdagi haftasida eng yaxshi futbolchi nomiga da’vogarlarni e’lon qildi.

Bu nom uchun kurashda quyidagi futbolchilar nomzod sifatida ko‘rsatildi:

Kevin de Bryuyne (“Manchester Siti”) — “Borussiya M”ga qarshi o‘yinda 1 ta gol, 82 foiz paslar aniqligi;

Luka Modrich (“Real M”) — “Atalanta”ga qarshi o‘yinda golli uzatma, 94 foiz paslar aniqligi;

Ngolo Kante (“Chelsi”) — “Atletiko M”ga qarshi bahsda 88 foiz paslar aniqligi;

Yozua Kimmix (“Bavariya”) — “Latsio”ga qarshi bahsda 87 foiz paslar aniqligi.

G‘olib nomi 19-mart, juma kuni ovoz berish natijalari yakuniga ko‘ra aniqlanadi.

Nomzodlarga bu yerda ovoz berish mumkin — havola.