Amerikaning Jorjiya shtatida uchta spa-salonda uyushtirilgan otishmalarda yetti kishi halok bo‘ldi, deb yozadi “RBK”. Keyinroq qurbonlar soni sakkiz kishiga yetgani xabar qilindi.
CNN mahalliy politsiyaga tayanib xabar berishicha, birinchi qotillik Cheroki okrugidagi spa-salonda yuz bergan. U yerda noma’lum shaxs salonga kirib, so‘ng o‘t ochgan. Hujum oqibatida uch kishi halok bo‘lgan, yana ikki kishi yaralangan, politsiya ularning spa-salon xodimlari yoki mijozlari bo‘lganiga aniqlik kiritmadi.
Qolgan ikkita hodisa Atlantada, yonma-yon joylashgan Gold Spa va Aroma Therapy spa-salonlarida yuz bergan. Politsiya ma’lumotlariga ko‘ra, birinchi salondagi otishmada uch ayol, ikkinchisida — bir ayol halok bo‘lgan. CNN qayd etishicha, qurbonlarning kelib chiqishi osiyolik bo‘lgan.
Politsiya qotilliklar o‘rtasidagi bog‘liqlik hozircha aniqlanmaganini ma’lum qildi.
Keyinroq Fox5 telekanali Cheroki okrugidagi qotillikda qumonlanuvchi qo‘lga olinganini, u vudstoklik 21 yoshli Robert Aaron Long bo‘lib chiqqanini xabar qildi. U uchala salonga hujumda gumon qilinmoqda.
Mavzuga doir:
- Neshvillda Rojdestvo tongida g‘ildiraklar ustidagi uy portlab ketdi. Bunga qadar avtomobil 15 daqiqadan so‘ng portlashi haqida ovoz yangragan
- Venada terakt sodir etgan shaxs IShID tarafdori bo‘lib chiqdi
- Fransiyaning Lion shahridagi grek cherkovi yaqinida otishma yuz berdi. Unda pravoslav ruhoniysi yaralandi
Izoh (0)