Bugun,

  • USD 11095.31
  • RUB 173.84
  • EUR 10772.44

O‘zbekistonda jismoniy shaxslar fevral oyida 523 million dollarlik chet el valyutasini sotdi. Bu so‘nggi 13 oydagi eng yuqori ko‘rsatkich, deb xabar bermoqda Spot Markaziy bank hisobotiga tayanib.

Foto: “Daryo”

Foto: “Daryo”

Qayd etilishicha, so‘nggi yillarda aholi aynan fevral oyida dollar ayirboshlamoqda, xususan, 2020-yilda bu ko‘rsatkich 514 million dollarni tashkil etgan (butun yil davomidagi eng yuqori hajm).

Foto: Markaziy bank

Foto: Markaziy bank

Markaziy bank o‘z hisobotiga hech qanday izoh bermagan. Ammo Spot suhbatlashgan mutaxassislar bu ko‘p jihatdan pul o‘tkazmalari bilan bog‘liq deb hisoblaydi. Yil boshida ularning hajmi har doim kamayib boradi va mart–aprel oylarida o‘sishni boshlaydi (o‘tgan yilda savdo sheriklari bo‘lgan mamlakatlarda pandemiya boshlangani tufayli ushbu trend buzilgandi).

Ushbu davrda pul o‘tkazmalari daromadning asosini tashkil etadigan (bundaylar O‘zbekistonda juda ko‘p) aholi o‘tgan yilning ikkinchi yarmida jo‘natilgan dollarni so‘mga almashtirdi.

Avvalroq O‘zbekistonga yuborilayotgan pul o‘tkazmalari oqimida o‘sish kuzatilgani, endi mehnat muhojirlari ko‘proq maosh ola boshlagani to‘g‘risida xabar berilgandi. Markaziy bank ma’lumotlariga ko‘ra, O‘zbekistonga 2020-yil davomida yuborilgan xalqaro pul o‘tkazmalari hajmi 6 milliard dollardan oshgan.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Dunyo
Litvada ham rus tilini o‘qitishdan voz kechish taklif qilindi