Qamchiq dovonida kuchli shamol bilan qor yog‘ishda davom etayotgani va ko‘chki xavfi yuzaga kelishi mumkinligi sabab 5-mart kuni soat 00:01 dan boshlab dovon yo‘li bo‘ylab transport vositalarining harakati vaqtincha to‘xtatildi, deya xabar bermoqda IIV Yo‘l harakati xavfsizligi bosh boshqarmasi (YHXBB).
Favqulodda vaziyatlar vazirligidan ma’lum qilishlaricha, “ayni daqiqalarda FVV mutaxassislari rahbarligida profilaktika ishlari amalga oshirilmoqda”. YHXBBning qo‘shimcha qilishicha, transport harakati to‘xtatilgan vaqtda dovon yo‘li maxsus texnikalar yordamida qordan tozalanmoqda.
“Dovon yo‘li ochilishi yuzasidan qo‘shimcha ma’lumot beriladi”, — deyiladi YHXBB axborotida. Ayni vaqtda YPX xodimlari haydovchilarga vaziyatni tushuntirib, ulardan ortga qaytishlarini so‘ramoqda.
Izoh (0)