Xitoyda asosini elektr manbasida harakatlanuvchi motoroller shassisi tashkil etgan mitti avtouy paydo bo‘ldi. Everbright nomini olgan g‘ildiraklar ustidagi avtouy interyerini hashamatli deb bo‘lmaydi, biroq uning an’anaviy avtouylardan oz bo‘lsa-da ajralib turuvchi jihatlari mavjud — ixchamligi va narxining arzonligi, deb xabar beradi Motor.
Xitoyning Shandong Everbrigh Foreign Trade kompaniyasi tomonidan yaratilgan avtouy uzunligi “hamyonbop” Lada Granta’dan kalta bo‘lib, 3800 millimetrni tashkil etadi, balandligi 1500 millimetr. Xitoy kemperining narxi, shuningdek, eng arzon Granta’dan arzon: 4800 dollar.
Mobil kioska kabi ko‘rinishga ega Everbright ichida yon tomonlarida ikkita stul va stol o‘rnatilgan oshxona zonasi joylashgan. Yotoqxona ham shu yerda joylashgan: kechasi o‘rindiq yoyilib, ikki kishilik karovat paydo bo‘ladi. Qo‘shimcha jamlanmalar qatoridan gadjetlar uchun quvvatlantirgich, USB-razyom va buyumlarni saqlash uchun bir nechta g‘aladon joylashgan.
Uch g‘ildirakli avtouyni 4,76 ot kuchini taqdim etishga qodir elektromotor harakatga keltiradi. U sig‘imi 7,2 kilovatt/soatga teng litiy-ionli akkumulyatordan quvvatlanadi. Bu esa bir marta quvvatlantirish orqali NEDC sikli bo‘yicha 400 kilometrgacha harakatlanish imkonini beradi. Everbright’ning maksimal tezligi — soatiga 40 kilometr.
Avvalroq Xitoyda lift va balkonga ega ikki qavatli Maxus V90 avtouyi sotuvga chiqqani to‘g‘risida xabar berilgandi.
Izoh (0)