A Seriya. “Yuventus” yirik hisobda g‘alaba qozondi, Ronaldudan navbatdagi gol
Futbol bo‘yicha Italiya A Seriyasining 25-turida “Yuventus” 2-mart, seshanba kuni o‘z uyida “Spetsiya”ni qabul qildi.
Uchrashuvda hisob 62-daqiqaga kelibgina ochildi. Alvaro Morata “Yuventus”ning birinchi goliga muallif bo‘ldi. 71-daqiqada Federiko Kyeza hisobni oshirdi. Bellashuvdagi yakuniy hisobni esa Krishtianu Ronaldu 89-daqiqada o‘rnatdi.
Shu tariqa Andrea Pirlo boshchiligidagi “Yuventus” mazkur g‘alabadan so‘ng 49 ochko jamg‘arib, A Seriya musobaqa jadvalida 3-o‘rinda bormoqda. Safardan mag‘lubiyat bilan qaytgan “Spetsiya” esa 25 ochko bilan 16-o‘rinda qayd etilgan.
A Seriya
25-tur bahsi
2-mart, seshanba
“Yuventus—“Spetsiya” 3:0
Gollar: 1:0 – 62 Morata, 2:0 – 71 Kyeza, 3:0 – 89 Ronaldu.
“Yuventus”: Shchensni, Danilo, Aleks Sandro, Demiral, Frabotta (Bernardeski, 61), Bentankur, Makkenni (Morata, 61), Kulusevski (Di Pardo, 88), Rabyo, Kyeza (Remzi, 72), Ronaldu.
“Spetsiya”: Provedel, Erlich, Vinyali, Tersi, Markissa (Bastoni, 86), Madjore (Akampora, 72), Leo Sena (Agum, 86), Esteves, Jasi, Farias (Verde, 72), Nzola (Galabinov, 72).
Ogohlantirishlar: Frabotta (10), Demiral (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
