Futbol bo‘yicha BAA Liga Kubogining yarim finalidan o‘rin olgan “Shabob Al-Ahli” va “Al-Vasl” o‘rtasidagi javob bahsi 2-mart, seshanba kuni bo‘lib o‘tdi.
Dastlab Jaloliddin Masharipov 11-daqiqada Federiko Kartabianing goliga assistentlik qildi. Uchrashuvning 52-daqiqasida Kartabia o‘zining hisobiga dubl rasmiylashtirib, jamoasining ikkinchi golini kiritdi. Bundan 11 daqiqa o‘tib Masharipov Igor Xesusning goliga ham hammuallif bo‘ldi. “Al-Vasl”ning yagona goli 71-daqiqada Fabio Lima tomonidan penaltidan kiritildi.
O‘zbekistonlik futbolchi to‘liq harakat qilgan uchrashuvda “Shabob al-Ahli” turnir finaliga yo‘llanmani qo‘lga kiritdi. Jamoalarning birinchi bahsida Jaloliddinning jamoasi safarda 2:0 hisobida g‘alaba qozongan edi. “Shabob al-Ahli”ning finaldagi raqibi Dubayning “An-Nasr” jamoasi bo‘ladi.
“Shabob al-Ahli”—“Al-Vasl” uchrashuvidagi gollarni bu yerda tomosha qilish mumkin — video.
Liga Kubogi
Yarim final, javob uchrashuvi
2-mart, seshanba
“Shabob al-Ahli”—“Al-Vasl” 3:1
Gollar: 1:0 — 11 Kartabiya, 2:0 — 52 Kartabiya, 3:0 — 63 Igor Xesus, 3:1 — 71, penalti Fabio Lima.
“Shabob al-Ahli”: Majid Nosir, Abdulaziz Husayin (Abdulla Jamil, 66), Muhammad Marzuq, Valid Abbos, Hamdam Al-Kamoli, Abdulla Al-Naqbi, Majid Hassan (Hamid, 80), Jaloliddin Masharipov, Eduardo (Muhammad Juma, 60), Federiko Kartabia (Yahyo Al-G‘assoni, 60), Igor Xesus (Ahmad Al-Attas, 67).
“Al-Vasl”: Al-Menteri, Abdulrahmon Ali (Saloh Hamis, 42), Felipe, Neris, Ali-Almheiri, Hassan Ibrohim (Nikolas Oroz, 59), Ali Salmin, Ali Saloh (Mahmud Nur, 59), Mendes (Habash Saloh, 59), Lima, Figueredo (Diniz Roza, 77).
Ogohlantirishlar: Ali-Almheiri (14), Ali Salmin (16), Karlos Eduardo (29).
Chetlatish: Ali Salmin (84).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)