А Серия. «Ювентус» йирик ҳисобда ғалаба қозонди, Роналдудан навбатдаги гол
Футбол бўйича Италия А Сериясининг 25-турида «Ювентус» 2 март, сешанба куни ўз уйида «Специя»ни қабул қилди.
Учрашувда ҳисоб 62-дақиқага келибгина очилди. Альваро Мората «Ювентус»нинг биринчи голига муаллиф бўлди. 71-дақиқада Федерико Кьеза ҳисобни оширди. Беллашувдаги якуний ҳисобни эса Криштиану Роналду 89-дақиқада ўрнатди.
Шу тариқа Андреа Пирло бошчилигидаги «Ювентус» мазкур ғалабадан сўнг 49 очко жамғариб, А Серия мусобақа жадвалида 3-ўринда бормоқда. Сафардан мағлубият билан қайтган «Специя» эса 25 очко билан 16-ўринда қайд этилган.
А Серия
25-тур баҳси
2 март, сешанба
«Ювентус—«Специя» 3:0
Голлар: 1:0 – 62 Мората, 2:0 – 71 Кьеза, 3:0 – 89 Роналду.
«Ювентус»: Шченсни, Данило, Алекс Сандро, Демирал, Фработта (Бернардески, 61), Бентанкур, Маккенни (Мората, 61), Кулусевски (Ди Пардо, 88), Рабьо, Кьеза (Рэмзи, 72), Роналду.
«Специя»: Проведел, Эрлич, Виняли, Терси, Маркисса (Бастони, 86), Маджоре (Акампора, 72), Лео Сена (Агум, 86), Эстевес, Жаси, Фариас (Верде, 72), Нзола (Галабинов, 72).
Огоҳлантиришлар: Фработта (10), Демирал (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
