Xitoylik ayol 10 099 yuan (1,562 dollar) to‘lab, 250 gigabaytli iPhone 12 Pro Max’ga buyurtma bergan. Ammo unga kelgan posilkadan telefon o‘rniga olmali yogurt chiqqan, deb yozadi Daily Star.
Xitoyning Anxoy provinsiyasida istiqomat qiluvchi Liu ismli ayol buyurtmani Apple’ning rasmiy sayti orqali amalga oshirgan. Kompaniya va yetkazib berish xizmati ushbu holat yuzasidan tekshiruv o‘tkazishga qaror qilgan bir vaqtda mahalliy politsiya tomonidan yuz bergan hodisa o‘g‘rilik deb baholangan.
Voqea yuzasidan izoh bergan huquqshunos Chjan Bo bu sayt fishingi bilan bog‘liq bo‘lishi mumkinligini ta’kidlagan. U ijtimoiy tarmoq foydalanuvchilari soxta ilova va saytlardan ehtiyot bo‘lishi kerakligini qo‘shimcha qilgan. Mutaxassis, shuningdek, kuryer keltirgan mahsulotni uning oldida ochib, tekshirib olishni, buyurtma qilingandan boshqa narsa yetkazilgan bo‘lsa, politsiyaga murojaat qilish kerakligini aytib o‘tgan.
Mavzuga doir:
Izoh (0)