Ispaniyaning Madrid shahri markazida joylashgan Amazon logistika omboridan iPhone o‘g‘irlanishida ishtirok etgan butun jinoiy sindikat ochildi. Kompaniyaning 5 ta xodimi tizimni juda oddiy yo‘l bilan aldashga uringan, deb yozadi “IXBT”.
Foto: “IXBT”
Ular shunchaki iPhone 12 qutilarining ichiga smartfon o‘rniga boshqa narsani joylashtirgan. Bu kabi tizim qancha vaqtgacha ishlagani ma’lum emas. Ammo yetkazilgan zarar yarim million yevroga teng. Ya’ni o‘g‘irlangan smartfonlar soni 400 ga yaqin.
Gumonlanuvchidan topilgan ashyolar orasida o‘g‘irlangan 10 ta iPhone 12 va IMEI raqamlari bo‘lgan ko‘plab risolalar mavjud. Yashirin videokuzatuv tizimi jinoiy guruh a’zolari sonini aniqlashga yordam berdi. Bu voqeaga asosan ichki tekshiruv vaqtida smartfon qutilarining massalarida katta farq aniqlanganidan keyin e’tibor qaratilgan.
Shuningdek, gumonlanuvchilardan biri o‘z ixtiyori bilan politsiyaga xabar bergan, ikkinchisi esa ish joyida hibsga olingan. Qolganlari ish vaqtidan tashqarida qo‘lga tushirilgan. Besh nafar xodimning barchasi allaqachon Amazon kompaniyasidan ishdan bo‘shatilgan bo‘lib, ular tez orada sudga tortiladi.
