Turkiyalik bokschi Avni Yildirim super o‘rta vazn toifasida WBC va WBA chempioni Saul Alvaresga qarshi jangdan qancha ishlab olgani ma’lum bo‘ldi.
The Athletic jurnalisti Mayk Koppinjerning ma’lum qilishicha, turkiyalik bokschining gonorari 2,5 million dollarni tashkil qilgan. Uning so‘zlariga ko‘ra, Kanelo ishlab topgan pul sakkiz xonali raqamdan iborat (10 mln dollardan oshiq).
Ayrim xabarlarga ko‘ra, “Kanelo” DAZN bilan shartnomaning o‘zidan 36,5 million dollar gonorar olgan.
Eslatib o‘tamiz, Saul Alvares Toshkent vaqti bilan 28-fevral tongida bo‘lib o‘tgan jangda Yildirimni uchinchi raunddayoq texnik nokaut evaziga mag‘lubiyatga uchratgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)