Madridning “Real” klubi La Liga 25-turi doirasida “Real Sosyedad”ga qarshi kechadigan uchrashuv uchun kengaytirilgan tarkibni e’lon qildi.
Zinedin Zidan qaydnomaga 21 nafar futbolchini kiritdi. Himoyachilar Eder Militao, Serxio Ramos, Daniel Karvaxal va hujumchilar Karim Benzema, Eden Azar jarohat tufayli o‘yinda ishtirok etolmaydi. Rodrigo Goes esa uzoq muddat davom etgan jarohatdan keyin safga qaytgan.
“Real” va “Real Sosyedad” jamoalari o‘rtasidagi bahs Toshkent vaqti bilan 1-martdan 2-martga o‘tar kechasi 01:00 da boshlanadi.
“Real”ning qaydnomasi bilan tanishing:
Darvozabonlar: Tibo Kurtua, Andrey Lunin, Diyego Altube;
Himoyachilar: Rafael Varan, Nacho, Marselo, Alvaro Odriosola, Ferlan Mendi, Viktor Chust;
Yarim himoyachilar: Toni Kroos, Luka Modrich, Kazemiro, Federiko Valverde, Isko, Serxio Arribas;
Hujumchilar: Marko Asensio, Lukas Vaskes, Vinisius Junior, Mariano Dias, Rodrigo Goes, Ugo Duro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)