Dushanba, 1-mart kuni O‘zbekiston hududi bo‘yicha kam bulutli va quruq ob-havo saqlanib turadi. Havo harorati 13-18 daraja iliq bo‘ladi, bu me’yordan 2-4 darajaga yuqoridir, deb xabar bermoqda “O‘zgidromet”.
2-mart kuni respublika hududlari bo‘yicha kun davomida havo bulutli bo‘lishi kutilmoqda. Buning hisobiga havo harorati kunduz kunlari biroz pasayadi va 10-15 daraja iliqni tashkil etadi, ammo ob-havo yog‘ingarchiliksiz bo‘lishi saqlanib turadi.
3-martda respublika hududlariga Eron hududlaridan nam havo massalari kirib keladi, ba’zi viloyatlarda biroz yomg‘ir yog‘adi, faqat Buxoro va Navoiy viloyatlarida yog‘ingarchiliksiz ob-havo bo‘lishi kutilmoqda. Shimoliy hududlarga Kavkazdan sovuq havo massalari kirib keladi va Qoraqalpog‘istonda, Xorazm viloyatida kechasi va ertalab 3-martda biroz yog‘ingarchilik (yomg‘ir, qor) bo‘lishi kuzatiladi.
4—5-martda O‘zbekiston hududiga yana nam havo massalari kirib kelishi boshlanadi, buning natijasida barcha joylarda yomg‘ir yog‘adi, shimolda yog‘ingarchilik (yomg‘ir, qor) bo‘ladi, tog‘li hududlarda 4-martdan 5-martga o‘tar kechasi ba’zi joylarda yog‘ingarchilik kuchli bo‘lishi mumkin. 5-martda Qoraqalpog‘istonda, Xorazm, Buxoro, Navoiy viloyatlarida yog‘ingarchilik kuzatilmaydi.
Havo harorati 3-5-martda kechasi 0-5 daraja iliq, kunduz kuni 10-15 daraja iliq atrofida bo‘ladi, 5-martda 8-11 daraja iliqqacha biroz pasayadi.
1—5-mart kunlari O‘zbekistonning tog‘li hududlarida qor ko‘chishi xavfi saqlanib turadi.
Mavzuga doir: O‘zbekistonda 2-mart kuni 18 darajagacha iliq bo‘ladi
Izoh (0)