Futbol bo‘yicha Italiya A Seriyasining 23-turi doirasida “Yuventus” o‘z maydonida 22-fevral, dushanba kuni “Krotone”ni qabul qildi.
Foto: Twitter
Turinliklar uchrashuvni to‘liq o‘z nazoratida o‘tkazdi. 38-daqiqada Krishtianu Ronaldu hisobni ochgan bo‘lsa, birinchi bo‘lim yakunida uning o‘zi oradagi farqni oshirdi. Bellashuvning 66-daqiqasida Ueston Makkenni yakuniy hisobni o‘rnatdi — 3:0.
Mazkur g‘alabadan so‘ng Andrea Pirlo boshchiligidagi jamoa ochkolari sonini 45 taga yetkazdi. Jamoa ayni damda turnir jadvalining 3-pog‘onasida bormoqda. “Keksa sinyora” 2-o‘rindagi “Milan”dan 4 ochkoga ortda qolmoqda. Turin klubi zaxirasida yana bir o‘yin mavjud. “Krotone” 23 turda bor yo‘g‘i 12 ochko to‘plashga erishgan holda so‘nggi o‘rinni band qilgan.
23-turdan so‘ng A Seriya turnir jadvali quyidagachi ko‘rinish oldi:
Foto: Twitter
A Seriya
23-tur bahsi
22-fevral, dushanba
“Yuventus”—“Krotone” 3:0
Gollar: 1:0 – 38 Ronaldu, 2:0 – 45 Ronaldu, 3:0 – 66 Makkenni.
“Yuventus”: Buffon, Demiral, de Ligt, Danilo, Aleks Sandro (Frabotta, 86), Remzi (Bernardeski, 76), Bentankur (Fadjoli, 70), Kulusevski (Morata, 76), Makkenni, Kyeza (Di Pardo, 86), Ronaldu.
“Krotone”: Kordas, Pedru Pereyra, Magalyan, Luperto (Marrone, 46), Retsa (Rispoli, 67), Unas (Nvankvo, 72), Molina (Dzanellato, 71), Junior Messias, Vulich, Golemich, Di Karmine (River, 77).
Ogohlantirishlar: Remzi (20), Danilo (50), Marrone (52), Frabotta (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
